هەولێر: بازرگانێکی مادەی هۆشبەرەکان دەستگیر کرا

12.06.2019

لڤین:

ئاسایشی ھەولێر ڕایگەدەیەنێت كەسێكیان دەستگیر كردووە كە چوار كیلۆ و ١٠٠ گرام مادەی ھۆشبەری پێبووە و ویستویەتی مامەڵەی پێوەبكات.

لە ڕاگەیەندراوێکدا بەڕێوەبەرایەتی ئاسایشی هەولێر ئاشکرای کردووە، "پاش چاودێری كردنی گومان لێكراوێكی بازرگانی مادەی ھۆشبەر لە مەفرەزەكانمان توانیان تۆمەتبار (أ.غ . م) كە خەڵكی شاری مووسڵە بە بڕی چواركیلۆ و ١٠٠ گرام مادەی ھێرۆیین لە شاری ھەولێرەوە دەستگیر بكەن، كە لە مووسڵەوە ھێنابووی". 

ئاماژە بەوەشدەکات "تۆمەتبار بە مادەی ( ١٤ی مادە هۆشبەرەکان ) راگیراوە و لێكۆڵینەوە لەگەڵی بەردەوامە و رێوشوێنی یاسایی بەرامبەری گیراوەتەبەر". 

هاوکات بەڕێوەبەرایەتی ئاسایشی هەولێر داواش لە هاوڵاتیان دەکات کە" هەر زانیاری و گومانێکیان هەبوو لەسەر کەسانی گوماناوی دەستبەجێ ئاسایشی هەولێری لێ ئاگادار بکەنەوە".

267 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations