سعودیه‌ یه‌كه‌م رۆژی جه‌ژنی ره‌مه‌زانی دیاری كرد

23.05.2019

لڤین:

وڵاتی سعودیە لەڕێگەی ڕۆژمێری ساڵی كۆچییەوە یەكەم ڕۆژی جەژنی ڕەمەزانی پیرۆز دیاری دەكات، كە تێیدا شەوی قەدر-یش دیاری كراوە.

بەگوێره‌ی  ڕۆژمێری كۆچی، كە بە فەرمی لەلایەن سعودیەوە دەركراوە، یەكەم ڕۆژی مانگی ڕەمەزان،  كه‌ لە 6ی ئایار دەستی پێ كردووە و لە 4ی حوزەیران كۆتایی پێدێت و ڕۆژی 5ی مانگی داهاتوو  دەبێتە یەكەم ڕۆژی مانگی شەوال و یەكەم ڕۆژی جەژنی ڕەمەزانی پیرۆز، وه‌  شەوی قەدەر، كە شەوی 26 لەسەر 27ی ڕەمەزانه‌ ، دەكاتە شەوی 31ی ئایار (واتە شەوی هەینی لەسەر شەممەی داهاتوو).

ساڵانە لە هەرێمی كوردستان و سعودیە و سەرجەم وڵاتانی ئیسلامی بۆ دیاری كردنی یەكەم ڕۆژی ڕەمەزان و جەژنی ڕەمەزانی پیرۆز، موسڵمانان پشت دەبەستن بە بڕیاری لیژنەكانی بینینی مانگ هەرچەندە لەگەڵ پێشكەوتنی تەكنەلۆجیادا چەندین ئامێری پێشكەوتوو دروست كراوە بۆ چاودێری كردنی بینینی مانگ.

13666 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations