گەرمیان: دوو بەكارهێنەری ماددەی هۆشبەر سزادران

15.05.2019

لڤین:
بەرێوەبەرایەتی ئاسایشی گەرمیان ڕایدەگەیەنێت: سەرۆكایەتی دادگای تاوانەكانی كەركوك/گەرمیان دوو تاوانباری بەكارهێنەری ماددەی هۆشبەری سزادان و ڕەوانەی بەرێوەبەرایەتی چاكسازی گەورانی سلێمانی كران.

بەرێوەبەرایەتی ئاسایشی گەرمیان لەڕاگەیەندراوێكدا كەوێنەیەكی دەست كوردیو كەوتوە، ڕایگەیاند: پاش ئەوەی لە چەند مانگی ڕابردوودا لە لایەن هێزەكانی بەرێوەبەرایەتی ئاسایشی گەرمیانەوە توانرا بە تۆمەتی بەكارهێنانی ماددەی هۆشبەر دوو تۆمەتبار دەستگیربكرێن و پاش ئەوەی دۆسیەكەیان خرایە بەردەم دادەوری لیكۆڵینەوەو هەروەها پاش چەندین دانیشتنی دادگا و خستنەڕووی تەواوی بەڵگەكان و دانپیادانانی تاوانباران بە تاوانەكانیاندا كە لە خوارەوە ئاماژەیان پێ دراوە سەرەنجام لە لایەن سەرۆكایەتی دادگای تاوانەكانی كەركووك/گەرمیان بەم شێوەیەی خوارەوە سزا دران.

1/احمد صالح عبدالله لە دایك بووی 1995 و دانیشتووی گەڕەكی (ئازادی)ی قەزای كەلار لە بەرواری 12/1/2019 دەستگیركراوەو و لە بەرواری 7/5/2019 بە پێی ماددەی(14/2)ی هۆشبەر بە (3)سێ ساڵ زیندانی و بڕی(100,000)سەد هەزار دیناری عێراقی پێ بژاردن سزا درا.

2/دیار محمد گالب لە دایك بووی1990 و دانیشتووی گەڕەكی (امام احمد)ی قەزای كفری لە بەرواری14/1/2019 دەستگیركراوەو لە بەرواری 14/5/2019 بە پێی ماددەی(14/2)ی هۆشبەر بە (3)سێ ساڵ زیندانی و بڕی(100,000)سەد هەزار دیناری عێراقی پێ بژاردن سزا درا.

هەروەها ئاماژەی بەوەشكرد: دواتر بۆ بەرسەربردنی ماوەی سزاكەیان ڕەوانەی بەرێوەبەرایەتی چاكسازی گەورانی سلێمانی كران.

151 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations