لە گەرمیان سێ برا خوشكەكەیان بە هەڵواسین دەخنكێنن

22.11.2020

لڤین: 

پۆلیسی گەرمیان رایگەیاند سێ برا کە کەسێکی دیکەشیان لەگەڵدابووە خوشکەکەیان هەڵدەواسن و دەیخنکێنن و دانیشیان بە تاوانەکەیاندا ناوە.

 

عەلی جەمال قەدوری، وتەبێژی پۆلیسی گەرمیان رایگەیاند: ئێوارەی ڕۆژی هەینی ئاگاداركراینەوە لەبوونی تەرمێك لەگەڕەكی شارەوانی دووی قەزای كەلار و دەست بەجێ مەفرەزەكانمان چونە شوێنەكە.


پۆلیس رایگەیاندووە لێكۆڵینەوەانیان دەریختووە ئافرەتێك بەناوی (م - ا - م ) لەدایكبووی 1994 لەماڵەكەی خۆیدا هەڵواسراوە و گیانی لەدەستداوە.


بەمەبەستی پشكنین تەرمی ئەو ئافرەتە ڕەوانەی پزیشكی دادوەری قەزای كەلار كراوە و دوای كەمتر لەدوو كاتژمێر مەفرەزەكانیان لەبەشی پۆلیسی نەهێشتنی تاوانی گەرمیان توانیان چوار تۆمەتبار دەستگیربكەن كە سێ كەسیان برای كوژراوەكەن.


وتەبێژی پۆلیسی گەرمیان ئەوەشی راگەیاند: دوای لێكۆڵینەوە لەگەڵ تۆمەتباراندا دانیان نابەتاوانەكەدا كەبەهۆی كێشەیەكی كۆمەڵایەتیەوە ئەوتاوانەیان ئەنجامداوە لەئێستادا بەبڕیاری دادوەرو بەپێی مادەی 406 تۆمەتباران بەندكراون.

401 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations