ئەو كەسانەی هێرشیان كردە سەر چێشتخانەكەی سلێمانی دەستگیركران

22.11.2020

لڤین: 
دوای هێرشەكەی ئێوارەی ئەمڕۆ بەڕێوەبەری پۆلیسی سلێمانی رایگەیاند ئەو كەسانەیان دەستگیر كردووە لێكۆڵینەوە لەگەڵیان بەردەوامە. 


ئاسۆ شێخ تەها بەڕێوەبەری پۆلیسی پارێزگاری سلێمانی، بە میدیای فەرمی یەكێتی راگەیاند، ئەو كەسانەی هێرشیانكردە سەر چێشتخانەكەی گەڕەكی عەقاری دەستگیركراون. 

بەڕێوەبەری پۆلیسی پارێزگاری سلێمانی ئەوەشی راگەیاند: ئەو كەسانەی دەستگیركراون لێكۆڵینەوە لەگەڵیان بەردەوامە. 

ئەوەش دوای ئەوەهات دوای نیوەڕۆی ئەمڕۆ چەند كەسێك كە بەشێكیان جلی سەربازیان لەبەردا بوو هێرشیان كردە سەر خاوەنی چێشتخانەیەك و وەك لە گرتە ڤیدیۆیەكدا دەردەكەوێت لێی دەدەن، دوای رووداوەكە خاوەنی چێشتخانەكە كە ناوی كامەرانە پەنجەی تۆمەتی بۆ خێزان راكێشا كە كرێچیان بووە و كێشەی هەبووە لەگەڵیان. 

لەبەرامبەردا نوێنەری ئەو خێزانە رەتیكردەوە ئەوان هێرشیان كردبێتە سەر ئەو چێشتخانەیە و رایانگەیاند كە بێ ئاگان لەو هێرشە و نازانن ئەو كەسانە كێبوون.  


699 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations