سه‌ڵاحه‌دین: هێرشێكی داعش ژماره‌یه‌ك كوژراو و برینداری لێكه‌وته‌وه‌

22.11.2020

لڤین:

بەهۆی هێرشێكی چەكدارانی داعش لە رێگەی تەقینەوە و قەناسەوە، لە سەڵاحەدین دوو ئەفسەر و ئەندامێكی هێزە ئەمنییەكان كوژران و ژمارەیەكیش برینداربون، كە لەنێویاندا سێ هاووڵاتی مەدەنی هەیە.

شانە راگەیاندنی ئەمنی بڵاویكردوەتەوە، لە قەزای بێجی سەربە پارێزگای سەڵاحەدین بۆمبێك بە ئۆتۆمبێلێكدا تەقیوەتەوە و سێ‌ هاووڵاتی مەدەنی برینداربون.

رونیشكراوەتەوە، دواتر هێزە ئەمنیەكان چون بە هانای بریندارەكانەوە، بەڵام بە چەكی قەناس تەقەیان لێكراوە و بەهۆی ئەوەشەوە ئەفسەرێك بە پلەی عەقید و مفەوەزێك لە هێزەكانی پۆلیس و ئەندامێكی حەشدی شەعبی كوژراون، هەروەها مفەوەزێكی پۆلیس و ئەندامێكی دیكەی حەشدی شەعبی برینداربون.

بەپێی زانیاریەكان، هێزێكی پاڵپشتی گەیشتونەتە ناوچەكە و توانیویانە كۆتایی بە هێرشەكە بهێنن و ناوچەكە كۆنترۆڵ بكەن.

126 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations