پرۆژەیاسای بودجەی 2021 هیچ دامەزراندنێكی فەرمانبەرانی تێدانابێت

22.11.2020

لڤین:

جەمال كۆچەر ئەندامی لیژنەی دارایی پەرلەمانی عیراق ئاشكرایدەكات، پرۆژەیاسای بودجەی 2021 هیچ دامەزراندنێكی فەرمانبەری نوێی تێدانابێت و ئەگەری كەمكردنەوەی دەرماڵەی فەرمانبەرانیش هەیە.

پەرلەمانتارە كوردەكەی لیژنەی دارایی بە رۆژنامەی "سەباح"ی نیمچەفەرمی وتوە "پرۆژەیاسای ساڵی داهاتوو كورت دەبێت و دەستگرتنەوەی پێوە دیار دەبێت، هەروەها دامەزراندن و پرۆژەی تێدانابێت".

پێشبینی ئەوەشدەكات بەهۆی بەردەوامی قەیرانی ئابورییەوە پەنا بۆ كەمكردنەوەی دەرماڵەی فەرمانبەران ببرێت.

هەروەها جەمال كۆچەر باس لەوەدەكات حكومەتی عیراق پەنا بۆ چالاككردنی داهات و باج و زیادكردنی ئاشكرای دراو دەبات بۆئەوەی روبەڕوی قەیرانی ئابوری ببێتەوە، كە بەهۆی ڤایرۆسی كۆرۆناوە جیهانی گرتوەتەوە.

97 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations