وەزیری دەرەوەی ئێران: بایدن دەتوانێت بە سێ بڕیار گەمارۆكانی سەر ئێران هەڵبوەشێنێتەوە

18.11.2020

لڤین: 
وەزیری دەرەوەی ئێران ڕایگەیاند ئەگەر ئەمریكا بگەڕێتەوە سەر بەڵێنەكانی بە پێی بڕیارنامەی 2231ی ئەنجومەنی ئاسایش، ئەوا وڵاتەكەشی ئامادەیە كە بگەڕێتەوە سەر بەڵێنەكانی لەبارەی پرسی چەكی ناوەكی.


محەمەد جەواد زەریف، لە دیدارێكیدا لەگەڵ میدیاكانی وڵاتەكەی ڕایگەیاند، ئەگەر ئەمریكا بگەڕێتەوە سەر بەڵێنەكانی بە ڕێككەوتنی ناوەكی ئەوا كۆماری ئیسلامی ئێرانیش ئامادەیە بگەڕێتەوە سەر بەڵێنەكانی بە پێی ئەو ڕێككەوتنە.


زەریف وتیشی:  ئەگەر بایدن بیەوێت بەڵێنەكانی ئەمریكا جێ بەجێ بكات، ئێمەش دەتوانین دەستبەجێ هەموو بەڵێنەكانمان لە ڕێككەوتنی ناوەكی جێ بەجێ دەكەین.
ئەوەشی روونكردەوە، دانوستان لە چوارچێوەی 1+5 ئەگەری بەڕێوەچوونی هەیە. ئەگەر ئەمریكا بیەوێت ببێتە ئەندامی ڕێككەوتنی ناوەكی، ئێمەش ئامادەین گفتوگۆ بكەین.


وەزیری دەرەوەی ئێران سەبارەت بە ئەوەی كە دەوترێت هەندێك گەمارۆ سەپێندراوەكان لەلایەن دەوڵەتی ترامپەوە بە جۆرێك دارێژراون كە ناتوانرێت هەڵبوەشێتەوە وتی: وتی ئەوە بەس قسەیە، بایدن ئەگەر ببێتە سەرۆك كۆمار ئەمریكا چووە كۆشكی سپی، دەتوانێت بە سێ فەرمان هەمووی گەمارۆكان هەڵبوەشێنێتەوە.

310 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations