نەجمەدین كەریم پارێزگاری پێشووی كەركوك گیانی لەدەستدا

31.10.2020

لڤین:

نەجمەدین كەریم پارێزگاری پێشووی كەركوك لە ئەمریكا دوای نەخۆشكەوتنی بە جەڵدە چەند كاتژمێرێك پێش ئێستا گیانی لەدەستدا و تەرمەكەی دەگەڕێندرێتەوە هەرێمی كوردستان. 

هاونیشتمانیانی ئازیز لە كەركوك و كوردستان ...

بە داخ و پەژارەیەكی زۆرەوە، لێرەوە ڕایدەگەیەنین، كە دوای نەخۆشكەوتنی لەچەند ڕۆژی رابردوو بەڕێز دكتۆر نەجمەدین كەریم، پارێزگاری كەركوك،
ئێستا رۆژی ھەینی كاتژمێر ١١ەی شەو بەكاتی ئەمریكا كۆچی دواییكرد. هاوكات ئاشكرای دەكەین، كە لەسەر وەسیەتی خوالێخۆشبوو دكتۆر نەجمەدین كەریم تەرمی بەڕێزییان دەهێنرێتەوە بۆ كوردستان و بە شێوەیەكی كاتی لە كوردستان بە خاك دەسپێردرێت، تا ئەو كاتەی شاری كەركوك ئازاد دەكرێت و لە ژێر ئەمنیەت و ئارامی هێزەكانی پێشمەرگەدەبێت ، بە شێوەیەكی هەمیشەیی دەبرێتەوە بۆ شاری كەركوكی پیرۆز. بەڕێز دكتۆر نەجمەین، پێش كۆچكردنی یەكجارەكی، ڕاسپاردەی ئەوەی بەجێهێشت، كە لەبەر سەلامەتی وتەندروستی گشتی لە دۆخی ئێستای بڵاوبونەوەی ڤایرۆسی كۆرۆنا، هیچ جۆرە قەرەباڵەغی و پرسەیەكی بۆ دانەنرێت. خانەوادەی دكتۆر نەجمەدین سوپاسی بێ پایانی خۆیان بۆ هەموو لایەك دەردەبرن، كە لە ماوەی ڕابردوودا بە بەردەوامی لە خەمی تەندروستی خواڵێخۆشبوو دكتۆر نەجمەدین بوونە.

نووسینگەی خوالێخۆشبوو
دكتۆر نەجمەدین كەریم
٣١/١٠/٢٠٢٠

406 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations