ئێران لەبارەی ڤیزای وڵاتەكەی بە هاوڵاتیانی هەرێم رونكردنەوە دەدات

29.10.2020

لڤین: 
كونسوڵخانەی ئێران لە هەولێر ڕایگەیاند، ڕاگرتنی ڤیزای گەشتكردن بۆ هاوڵاتیانی هەرێمی كوردستان دوورە لە راستییەوە.


كونسوڵخانەی ئێران لە هەولێر لە ڕاگەیەندراوێكدا بڵاویكردەوە، دەنگۆی ڕاگرتنی ڤیزای گەشتكردنی هاوڵاتیانی هەرێمی كۆردستان بۆ ئێران هیچ بنەمایەكی نییە و دوورە لە ڕاستییەوە.

ئاشكراشیكرد، لە ٢١ی ئازاری ئەمساڵەوە تا ئێستا ١٩ هەزار و ٩٣٥ ڤیزای گەشتكردنی پێویست بۆ كەسانی نەخۆش و خوێندكار دەركراوە، سێ دەروازەی سنوریی بەڕووی ئەو كەسانەی كە ڤیزای نەخۆش، بازرگانی و خوێندنیان هەبووە كراوە بوون و جگە لە ڕۆژانی پشووی فەرمی، هاتووچۆ هەر هەبووە.

كونسوڵخانەكەی ئێران دووپاتیشیكردووەتەوە، هەواڵەكان لەسەر دەرنەكردنی ڤیزا دوورە لە راستییەوە، بەڵام ڤیزای گەشتیاری هێشتا كێشەی هەیە و دەرناكرێت و بڕیاری لەبارەوە نەدراوە.

1217 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations