سێ کەسی دیکە بە تۆمەتی تەقەکردنی هەڕەمەکی لە چەمچەماڵ دەستگیرکران

22.10.2020

لڤین:
بەڕێوەبەرایەتی ئاسایشی رۆژئاوای سلێمانی ئاماژەی بۆئەوەکردوە سێ کەسی دیکە بەتۆمەتی تەقەکردنی هەڕەمەکی لە چەمچەماڵ دەستگیکراون.

بەڕێوەبەرایەتی ئاسایشی رۆژئاوای سلێمانی رایگەیاند، دوای ئەوەی لە هەفتەی رابردوودا، چەند کەسێک بە تۆمەتی تەقەکردنی هەڕەمەکی دەستگیرکران، هاوکات دوای کۆکردنەوەی زانیاری و بەدواداچوون لەوبارەوە دادوەری دادگای لێکۆڵینەوەی چەمچەماڵ فەرمانی گرتنی بۆ سێ کەسی دیکە دەرکرد.

ئەوەش خراوەتەڕوو"تۆمەتبارەکان ناویان (پ، ف ،م) دانیشتوی چەمچەماڵ (ب، ح ، ع) و (ک، م ، م)ـە، کە دانیشتوی ناحیەی شۆڕشن".

 باس لەوەشکراوە، خۆیان رادەستی هێزەکانیان کردووە و ئۆتۆمبێل و چەکەکانیشیان دەستی بەسەردا گیراوە.

راشیگەیاندووە، لەئێستادا بەفەرمانی دادوەری لێکۆڵینەوە بەبڕیاری ٥٧٠ راگیراون و لێکۆڵینەوە لەدۆسیەکانیان بەردەوامە.

ئەوەش لە کاتێکدایە، لەماوەی رابردوودا دوو کەس لە چەمچەماڵ بە تۆمەتی تەقەکردنی هەڕەمەکی دەستگیرکران.

309 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations