پێنج چەکداری داعش لە کەرکوک دەستگیرکران

22.10.2020

لڤین:
وەزارەتی ناوخۆی عێراق رایگەیاند، هێزەکانیان لەبەڕێوەبەرایەتی پۆلیسی کەرکوک پێنج چەکداری داعشیان دەستگیرکردووە.

وەزارەتی ناوخۆی عێراق لە راگەیەنراوێکدا بڵاویکردەوە، بەپێی ڕێنمایەکانی وەزیری ناوخۆ و بریکاری کاروباری پۆلیس، گروپێکی پێنج کەسی چەکدارانی داعش کە سەر بە ویلایەتی دیجلەی رێکخراوەکە بوون لە کەرکوک دەستگیرکرد.

ئاماژە بەوەشکراوە، ئەوانەی دەستگیرکراون یەکێکیان هەستاوە بە گواستنەوەی کەرەستەی سەربازی، خۆراک و ئامێری ئەلیکترۆنی بۆ چەکدارانی داعش و کەسێكی دیکەشیان زانیاری لەسەر جموجوڵی هێزە ئەمنییەکانی عێراقی بۆ چەکدارەکانی داعش گواستووەتەوە.

باس لەوەشکراوە، چەکدارە دەستگیرکراوەکان رادەستی بەڕێوبەرایەتی هەواڵگری کەرکوک کراون.

ئەمەش لەکاتێکدایە، لە ١٢ی شوباتی ئەمساڵەوە عێراق ئۆپراسیۆنی بە مەبەستی دەستگیرکردنی چەکدارانی داعش لە چەند ناوچەیەک دەستپێکردووە و لە سەرەتای ئۆپراسیۆنەکانیشەوە چەندین چەکدار کوژراو و دەستگیرکراون، کە لە ناویاندا چەندین سەرکردەی داعش هەبووە.

161 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations