لە بارەی كۆرۆناوە تەندروستی سلێمانی هۆشداری توند دەدات

18.10.2020

لڤین: 
وتەبێژی تەندروستی سلێمانی جارێكی تر هۆشداری لە بەرزبوونەوەی ئامارەكانی كۆرۆنا دەدات و دەڵێت، بەم شێوەیە بڕوات لە ماوەی چەند مانگی داهاتوودا، هەموو بنەماڵەیەكی سلێمانی ئازاری كۆرۆنا دەچێژێت.


یاد نەقشبەندی، ئاماری 24 كاتژمێری رابردووی تووشبووانی كۆرۆنای بڵاوكردەوە و رایگەیاند ١٠ هاوڵاتی گیانیان لەدەستداوە، بە واتای 10خێزان، 10بنەماڵە، 10گەرەك، ئازاری جەرگبڕی كۆرۆنای چەشت.

ناوبراو خشتەی ئەمڕی هەر سێ نەخۆشخانەكەی كۆرۆنای لە سلێمانی بڵاوكردووەتەوە و دەشڵێت  "گەر بەم شێوەیە بڕوات لە ماوەی چەند مانگی داهاتوو، راست نابێت بڵێین هەموو گەرەكێ، هەموو بنەماڵەیەك ئازاری كۆرۆنای چەشت؟". 

وتەبێژی تەندروستی سلێمانی روونیكردووەتە لە كۆی 200 نەخۆش 174 نەخۆش پێویستیان بە ئۆكسجین هەیە كە هەندێكیان ئامێرەكانی هاوشێوەی ئامێری هەناەدانی دەستكردیان بۆدانراوە و راشیگەیاند، "ئامارەكان مەترسیدارن، نەخۆشخانەكان پڕن، پابەندبوون بە ڕێنماییەكان وەك پێویست نین، هیوادارم پێش ڕودانی كارەساتی نەخوازراو، بە هەموو لایەك هەوڵ بدەین ئەم دۆخە بەرەو باشتر بەرین". 

657 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations