لە هەولێر كەسێكی مەترسیدار دەستگیركرا

15.10.2020

لڤین: 
لە گەڕەكی پێنجی حەسارۆك، لە شاری هەولێر، پۆلیس كەسێكیان دەستگیركرد، تۆمەتبارە بە تەقەكردن، بێزاركردنی هاوڵاتیان، بازرگانی بە ماددەی هۆشبەر.


تۆمەتبارەكە بە ناوی (س.ر.ح) دەستگیركراوە و پۆلیسی هەولێر بە كەسێكی مەترسیدار وەسفی دەكات و دەشڵێت بە گوێرەی ماددەكانی (456) و (432) و (405/31) لە یاسای سزادانی عێراقی ژمارە (111)ی ساڵی (1969) فەرمانی دەستگیركردنی هەبوو و چوار سكاڵای یاسایی لەسەر تۆمار كرابوون.

پۆلیس ئەوشەی روونكردووەتەوە كە كاتی دەستگیركردنیدا لە شوێنی حەوانەوەی، دەست بەسەر 152 گرام ماددەی هۆشبەر لە جۆری كریستاڵ، (421) گرام جامایكا، (35) گرام حەشیش، (78) پارچە حەبی ترامادۆڵ، (6) چەكی جۆری كڵاشینكۆف، (7) نارنجۆك، (2) ئۆتۆمبێلی جۆری كیا كادێنزا و نیسان سەنییەكی ژمارە ساختەـدا گیرا.


 پۆلیس ئەوەشی خستووەتەڕوو، لە لێكۆڵینەوەی سەرەتاییدا تۆمەتبارەكە دانی ناوە بە تاوانەكانیدا و پەڕاوی لێكۆڵینەوەی رەوانەی دادگا دەكرێت.

1636 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations