هۆشیار زێباری وەڵامی پەرلەمانتارێکی عەسائیبی ئەهلی حەق دەداتەوە

14.10.2020

لڤین: 
هۆشیار زێباری وەڵامی پەرلەمانتارێكی نزیك لە حەشدی شەعبی دەداتەوە و دەڵێت قسەكانی تۆمەتەكانی رژێمەكەی سەداممان بیردەهێنێتەوە. 

هۆشیار زێباری، ئەندامی مەكتەبی سیاسی پارتی لە لاپەڕەی خۆی لەتۆڕی كۆمەڵایەتی فەیسبوك وەڵامی پەرلەمانتارەكەی سادیقونی دایەوە و رایگەیاند "لێدوانەكانی حەسەن سالم، پەرلەمانتاری فراكسیۆنی سادقون لە دژمان، تۆمەتەكانی رژێمی لەناوچوی سەداممان بیردەخاتەوە لەسەردەمی بەرگری و ئۆپۆزسیۆنبوندا."

ئەو ئەندامەی مەكتەبی سیاسی پارتی وتوشیەتی "وا دەردەكەوێت كە هیچ شتێك لە عەقڵیەتی سیاسیی تۆتالیتاری و رەگەزپەرستانەو هەروەها تائیفیانەی هەندێك لە پەرلەمانتارانی ئێستا نەگۆڕاوە و ئەوەش كارەساتە گەورەكەیە."

ئەوەش دوای ئەوەهات كە ئەمڕۆ لەبەرامبەر چەند قسەیەكی زێباری لەبارەی حەشدی شەعبی حەسەن سالم، پەرلەمانتاری فراكسیۆنی سادقونی سەر عەسائییبی ئەهلی حەق وتبووی "حەشدی شەعبی پیرۆزترە لەوەی وەزیرێكی لەسەركالادراوی گەندەڵ و بەكرێگیراوای ئەمریكاو زایۆنیزمی وەك هۆشیار زێباری قسەی لەبارەوە بكات."

2917 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations