كرۆكەر: پێویستە ئەمریكا پشتیوانی لە كازمی بكات

10.10.2020

لڤین:
باڵیۆزی پێشووی ئەمریكا لە بەغدا ڕایدەگەیەنێت، پێویستە ئەمریكا پشتیوانی لە سەرۆك وەزیرانی عیراق بكات.

ڕایان كرۆكەر باڵیۆزی پێشووی ئەمریكا لە بەغدا، پرسی كشانەوەی ئەمریكای لە عیراق بەنادروست و مەترسیدار لەقەڵەمدا و ڕایگەیاند: پێویستە باڵیۆزخانەی ئەمریكا لە بەغدا درێژە بەكارەكانی بدات.

باڵیۆزی پێشووی ئەمریكا لە بەغدا ڕاشیگەیاند: پێویستە ئیدارەی ئەمریكا لەجیاتی كشانەوە بیر لەدۆزینەوەی ڕێگەیەكی گونجاو بكاتەوە بۆ پشتیوانی كردنی مستەفا كازمی سەرۆك وەزیرانی ئێستای عیراق.

باڵیۆزی پێشووی ئەمریكا لە بەغدا باسی لەوەشكرد: ئەو كێشانەی ئەمڕۆ لە عیراقدا هەن كازمی دروستی نەكردوون، باشترە ئیدارەی ئەمریكا سیاسەتێكی ئارام و دوور مەودا لەعیراق پەیڕەو بكات، بەتایبەت لەكاتێكدا هاوبەشێكی وەك كازمی هەیە، كرۆكەر هۆشداریشیدا كشانەوەی ئەمریكا لە عیراق پەیامێكی خراپ دەبێت بۆ هاوپەیمانەكانی ئەمریكا لەناوچەكە.

126 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations