كیا مۆتۆرز سەركەوتنی لە فرۆشتنی ئۆتۆمبێڵك لە وڵاتانی عەرەبی راگەیاند

03.10.2020

لڤین: 
كۆمپانیای كیا سەركەوتنی خۆی لە فرۆشتنی ئۆتۆمبێلێكی لە رۆژهەڵاتی ناوەڕاست وڵاتانی عەرەبی راگەیاند و دەڵێت خواستێكی زۆری لەسەرە. 


كۆمپانیای نیم بریكاری فرۆشتنی ئۆتۆمبێلەكانی كیا مۆتۆرز لە باكوری عێراق و هەرێمی كوردستان لە بڵاوكراوەیەكدا سەركەوتنی ئۆتۆمبێڵكی كیای راگەیاند و دەڵێت: ئۆتۆمبێڵی K5 سەركەوتنەكەی بە سەرەتایەكی نوێ دادەنرێ بۆ ئۆتۆمبێڵەكانی كیا، بەمەش كۆمپانیای ئۆتۆمبێڵە كۆرییەكان هەنگاوێكی جۆری دەنێت و ئاڕاستەیەكی نوێی دیزاینكردن وەردەگرن.

ئەو ئۆتۆمبێلە كە لە ڕۆژی 1ی ئایار ئەمساڵ لە بازاڕەكانی ئیماڕات و سعودیە و كوەیت و عوممان و ئەردەن دەستی بە فرۆشتن كردووە توانیویەتی ئاستێی باش بەدەست بهێنێت و سەركەوتوو بێت لە فرۆشیدا. 

تۆماس شیمیرا، سەرۆكی بەشی بەرهەمەكان لە كۆمپانیای (كیا مۆتۆرز) ڕایگەیاند "كاتێك لە ساڵی 2010 ئۆتۆمبێڵی K5مان خستە بازاڕ، ئەمە سەرەتایەكی نوێ بوو بۆ كیا، دیزاینەكەی پێچەوانەی ئەو بیركردنەوانە بوو كە بەرامبەر هێما بازرگانییەكەی ئێمە لە هەموو بازاڕەكانی جیهان هەبوو". 


ئەو روونیكردەوە: ئۆتۆمبێڵی K5ی نوێ یەكێكە لەو ئۆتۆمبێلانەی بەشێوەیەكی وەرزشی و زۆر جیاواز بەرهەممان هێناوە، هەروەها بە هۆی كۆمەڵێك تەكنەلۆژیای پێشكەوتوو و گشتگیر و بزووێنەر و گێڕی نوێ، ناوەوەی كابینەكەی نایابە، ئەمە پێشكەوتووترین ئۆتۆمبێڵی ئێمەیە".


هەر لەوبارەیەوە یاسر شابسوغ، بەڕێوەبەری جێبەجێكاری پڕۆسەكانی (كیا مۆتۆرز) لە ڕۆژهەڵاتی ناوەڕاست و ئەفریقا ڕایگەیاند: ئۆتۆمبێڵی K5بە نوێترین تەكنەلۆژیا و وردەكارییە وەرزشییە داهێنەرانەكانییەوە، هەڵگری پەیامی نوێكاری بەردەوامە. 


ئەو روونیدەكاتەوە ئەو ئۆتۆمبێلە توانیویەتی لە وڵاتانی رۆژهەڵاتی ناوەڕاست سەركەوتن بەدەستبهێنێتت "لە ئیماڕاتەوە بۆ عوممان، لە سعودیەوە بۆ كوەیت.

شوفێرانی كەنداوی عەرەبی، بەوە ناسراون كە ئۆتۆمبێڵە ناوازەكانیان خۆش دەوێت، ڕێزی ئۆتۆمبێڵە نایابەكان دەگرن، ئۆتۆمبێڵی كیا K5 بە دیزاینە وەرزشییەكەیەوە، لە سەرووی پێشبینی خۆشەویستانی ئەم جۆرە ئۆتۆمبێڵانەیە".

465 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations