سەرۆكی فراكسیۆنی كۆمەڵ: سوتانی سنەوبەرەكانی سلێمانی ئامانجی مەترسیداری لەپشتە

19.09.2020

لڤین:
سەرۆكی فراكسیۆنی كۆمەڵی لە پەرلەمانی كوردستان رایگەیاند، بەپێی چەند بەدواداچوونێك، ئامانجی مەترسیداری چاوچنۆكی و بازرگانیی لە پشتی سوتاندنی دارسنەوبەرەكانی ڕێگای (سلێمانی ـ تاسڵوجە) هەیە.


عەبدولستار مەجید، لەفەیسبووكی خۆی رایگەیاند "لە ئەنجامی بەدواداچوون و چەند زانیارییەك كە دەستم كەوتووە، ئامانجی خەتەری چاوچنۆكی و بازرگانیی لە پشتی سوتاتدنی دار سنەوبەرەكانی ڕێگای (سلێمانی ـ تاسڵوجە) هەیە و پێویستە حكومەت و پارێزگار و كشتوكاڵی سلێمانی ڕێگە لەو دەستدرێژییە بگرن".

ناوبراو ئاماژەی بەوەكردووە "ئەو سنەوبەرانە سەروەتی نیشتمانیی شارەكە و بەرهەمی ماندوبوونی شەو و ڕۆژی دەیان باخەوان و فەرمانبەرە لە ساڵانی پێش ڕاپەڕین!، ڕژێمێك بەو هەموو ستەمكارییەی خۆیەوە شاخی گۆیژە و ڕێگاكانی دیكەی سەوز كردبێت، چۆن جورئەت دەكەن و ڕووتان دێت وشكیان بكەن و دواتریش لە پێناو چەند دۆلارێكی حەرامدا هەروا ئاسان بیسوتێنن و بیكەنە پرۆژەی بازرگانیی ناشەرعی!".

ئەوەش دوای ئەوەهات كە هەریەكە لە وەزارەتی كشتوكاڵ و شارەوانی سلێمانی لەوبارەیەوە روونكردنەوەیاندا و وەزارەتی كشتوكاڵ رایگەیاند "پێشتر چەندین جار هەوڵدراوە ئەم ناوچەیە بكرێت بە پڕۆژە، بەڵام وەزارەتمان لاری نەبوونی نەداوە، چونكە ئەم دارسنەوبەرانە، سیمایەكی جوان و ژینگەیان بەخشیوەتە ئەم ناوچەیە، بۆیە ناكرێت درەخت ببڕدرێت بۆ ئەوەی لە شوێنەكەی پڕۆژە بكرێت".

هەر ئەمڕۆ جێگری سەرۆكی شارەوانی سلێمانی لەو بارەیەوە رایگەیاند ئەو دارانە ئێٍتا نەسوتاون بەڵكو لەسەرەتای مانگی حوزەیران سوتاون و دڵنیایشیدا شوێنی ئەو دارسنەوبەرانە ئەگەر بسوتێت یان نەسوتێك ناكریچت بە پڕۆژەلەبەر ئەوەی دەكەوێتە بەینی شەقامەكەوە لە كاتێكدا ئەگەر گەورە بكرێت. 

427 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations