ئەندامێكی تەڤگەری ئازادی لەلایەن ئاسایشی هەولێرەوە لە ماڵەكەیدا دەستگیركرا

06.08.2020

لڤین: 
بەیانی ئەمڕۆ هێزێكی ئاسایشی هەولێر لە ناو ماڵەكەی خۆیدا ئەندامێكی تەڤگەری ئازادی و هاوسەرەكەی دەستگیردەكەن و داوی كاتژمێرێك لە لێكۆڵینەوە هاوسەرەكەی ئازاد دەكەن. 


هەڵۆ سامی  كوڕی سەمیرە حەمەد ئەمین رایگەیاند، بەیانی ئەمڕۆ ئاسایشی هەولێر هەڵیان كوتایە سەر ماڵەكەمان و دایك و باوكمیان دەستگیركرد، بەڵام دوای كاتژمێرێكیش باوكم ئازادكراوە و دایكیشم بە تۆمەتی ئەندامبوون لە تەڤگەری ئازادیدا ئازاد نەكراوە.


ئەو هێزەی ئاسایش لە ماڵەكەی خۆیدا سەمیرە حمدئەمین، كە ئەندامی تەڤگەری ئازادیە دەستگیردەكەن و كەسوكارەكەشی هەڕەشەی مانگرتن و خۆپیشاندان دەكەن ئەگەر ئازاد نەكرێن. 


كوڕی ئەو دەستگیركراوە راشیگەیاندووە دایكی"بە تاوانی ئەوەی پەیوەندی هەبووە لە گەڵ هەڤاڵانی تەڤگەری ئازادی و ڕێكخراوی ژنانی ئازادی دەستگیركراوە بەڵام ئێستا هیچ هەواڵێكی نیە".

846 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations