حاجی مەسیفی: خەڵكی هەولێر باش دەزانن ئەحمەد كانی كوڕی كێیە

24.07.2020

لڤین: 
دوای بڕیاری یەكێتی بۆ گواستنەوەی ململانێ سیاسیەكانیان بۆ شاری هەولێر ئەندامانی سەركردایەتی ئەو دوو حزبە بە زمانی زۆر توند دژی یەكتری دەوەستنەوە. 

دوای ئەوەی هاوسەرۆكی یەكێتی لە هەولێرەوە رایگەیاند ململانێ سیاسیەكانیان لە سلێمانیەوە دەگوازنەوە پایتەختی هەرێمی كوردستان، ئەحمەد كانی، ئەندامی سەركردایەتی پارتی دیموكراتی كوردستان نوسینێكی توندی بڵاوكردەوە و تیایدا دەڵێت "لەجیاتی تەنگەنەفەسی و دەنگهەڵبڕین و ڕەزاگرانی و باسكردنی هەولێر و دهۆك و زاخۆ بۆ ناچی چارەسەری دەردی خۆتان بكەن و ناوماڵتان چاك بكەن؟ لەو بیست و چەند ساڵەدا چیتان كردووە بۆ دەڤەری سلێمانی". 

لەبەرامبەردا حاجی مەسیفی ئەندامی ئەنجومەنی سەركردایەتی یەكێتی، لە وەڵامێكدا بۆ ئەو بەرپرسەی پارتی دەڵێت: ئەو نوسینەی هیچ گلەیی لێ ناكرێت لەبەر ئەوەی بە فەرمانی ئەزبەنیەكانی بووە، بەڵام خەڵكی هەولێر باش دەزانن ئەحمەد كانی كوڕی كێیە، و لە چ خێزانیك پەروەردە بووە، كەسێك كوڕی دایكێك بێت سەرۆكی لقی هەولێری (اتحاد النسا‌و العراقی)بێت لە سەردەمی حزبی بەعس، دەبێت چ پەروەردەیەك كرابێت؟

ئەندامەكەی سەركردایەتی پارتی لە نوسینەكەیدا جگە لەوەی یەكێتی تۆمەتبار دەكات بەوەی كە لەو كاتەی لە هەولێربوون زیانیان بۆ خەڵكی شارەكە هەبووە دەشڵێت "بڕۆن عیلاجی دەردەكانی خۆتان بكەن و بەڵا و دەنگەدەنگتان دوور بكەنەوە. هەولێر جێگە بۆ ژاوەژاو و تاڵانچیایەتی و كەڵەگایەتی ناكاتەوە".

ئەندامەكەی سەركردایەتی یەكێتیش لە وەڵامەكەیدا بەبیری هێناوەتەوە پارتی دەبابەی بەعسی هێناوەتە شارەكە و دەشڵێت چی بۆ هەولێر كراوە لە بەرامبەر ئەو هەموو پارەیەی لە شارەكە دزراوە. 

مەسیفی وتوشیەتی "كوڕەكەی رەفیقە صبحیە پێ دەچێت كوێرو كەڕبێت بۆیە ئاگای لە داگیركاریەكەی توركیا نەبێت، كە بە چاوساغی ئەزبەنیەكانی نیوەی سنوری زاخۆ و دهۆكیان داگیركردووە، من باش دەزانم خەڵكی كوردستان و هەولێریەكان هیچ حیسابێك بۆ قسەو لێدوانەكانی كوڕی رەفیقە حزبیەك ناكەن".

9250 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations