هاوڵاتیانی كەلار: خۆمان شاری خۆمان رزگار دەكەین

12.07.2020

لڤین:
ژمارەیەك چالاكوان و رۆژنامەوانی گەرمیان رایانگەیاند، چیتر چاوەڕێی كەس ناكەن خۆیان شاری خۆیان رزگار دەكەن، بۆ ئەو مەبەستەش سێ تیم درووست دەكەن كە هاوكاری تیمە تەندروستیەكان دەكەن. 

لە ئاگاداریەكدا كە هاوڵاتیان و چالاكوانانی گەرمیان بڵاویانكردووەتەوە، رایانگەیاندووە: خۆمان شاری خۆمان ڕزگار دەكەین، بڕێكی باش حەبی ڤیتامین سی و زینك كۆكراوەتەوە. 
لەو ئاگاداریەشدا ئەوەیان ئاشكراكردووە، لە ڕۆژانی داهاتوو كۆ دەبنەوە، سێ تیم دروستەكەن، تیمێك دكتۆر و پەرستار بۆ ڕێنماییدان بەنەخۆش و هێوركردنەوەی لایەنی دەروونی، تیمێكی دیكەش بۆ هۆشیار كردنەوەی خەڵكی لە مامۆستایانی ئاینی و خەڵكانی خۆبەخش بۆ هۆشیار كردنەوە، یتمێكیش بۆ كۆكردنەوەی پارە بۆ كڕینی جیهازی هەناسەدان. 


دەقی ئاگادارییەكە
" خۆمان شاری خۆمان ڕزگار دەكەین"

یەكەم: بەڕێزان سوپاس بۆ هەموو خێرخوازان، بڕێكی باش حەب ی زینك و فیتامین c كۆكرایەوە، بۆیە حەب و دەرمان ئیتر پێویست ناكات، بەڵام ئەوانەی تەلەفۆنیان كردووە و هێشتا دەرمانەكانیان نەبردووە، بەیانی بیبەن، چونكە حسابكراوە...
دووەم: بەڕێزان... چیتر چاوەڕێی كەس ناكەین، خۆمان شاری خۆمان ڕزگار دەكەین، لە ڕۆژانی داهاتوو كۆ دەبینەوە، سێ تیم دروستەكەین، تیمێك دكتۆر و پەرستار بۆ ڕێنماییدان بەنەخۆش و هێوركردنەوەی لایەنی دەروونی...
تیمی دووەم، لەكەسایەتی و مامۆستای ئاینی و چالاكوان و گەنجانی خۆبەخش بۆ هۆشیاری بڵاوكردنەوە، لەگەڵ كۆكردنەوەی كۆمەك بۆ كڕینی جیهازی هەناسەدان، بۆیە هەر دكتۆر، پەرستار، مامۆستای ئاینی ، چالاكوان و گەنجێك دەیەوێ لەگەڵمان بێت بۆ تێپەڕاندنی ئەم دۆخەكە و هاوكاری خەڵك، كە جگە لە ئەجرێكی گەورە، كارێكی مێژوویی گەورەشە، كارەكان هەموو بە لیژنە ئەنجام دەدرێن، بۆ ناونوسین و كاركردن لەگەڵمان، پەیوەندی بەم ژمارانەوە بكەن و ناو تۆمار بكەن:
١_ مامۆستا محەمەد عەبدولرەحمن : ٠٧٧٤٠٨٧٣٤٤١
٢_ئازاد عوسمان : ٠٧٧٠١٩٢٣٦٦٢
٣_ دكتۆر چالاك: ٠٧٧٢٢٠٢٠٦١٧
٤_شاهۆ تەها : ٠٧٧٠١٤٧٠٩٣٣

654 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations