هەدەپە دژایەتی خۆی بۆ گۆڕینی ئایاسۆفیا بۆ مزگەوت راگەیاند

11.07.2020

لڤین:
پارتی دیموكراتی گەلان(هەدەپە) لەبارەی بڕیاری گۆڕینی ئایاسۆفیا بۆ مزگەوت ڕاگەیەنراوێكی بڵاوكردەوەداوادەكات هەرچی زووە ئەو بڕیارە هەڵبوەشێندرێتەوە. 

راگەیەندراوەكەی هەدەپە بە واژۆی سەڤتاپ ئاكداغ، وتەبێژی كۆمسیۆنی هونەری، كەلتوری و وەرزشی و سیاسەتی پەروەردەی هەدەپە بڵاوكراوەتەوە و تیایدا دەڵێَت: ئاكەپە و مەهەپە لە دەرەوە و ناوخۆدا لە سیاسەتدا گەیشتوونەتە كۆتایی و ناتوانن كێشە كۆمەڵایەتی و ئابوریەكان چارەسەر بكەن و بۆ ئەوەی لە قەیرانەكە بێنە دەرەوە یاری سیاسی لەسەر هەبوونی كەلتور و مێژوو بەكاردەهێنن.

هەدەپە بەبیری هێناوەتەوەكە ئەو ڕیارە لە سەردەمی هەڵبژاردنەكاندا بۆ كۆكردنەوەی دەنگی خەڵكی دیندار دەركراوە و كە وتبوویان ئایاسوفیا دەكەنە مزگەوت پێشیوایە بەم سیاسەتە هەوڵ دەدەن قەیرانی بێكاری و هەژاری بشارنەوە.

ئەوەشی روونكردووەتەوە ئایا سۆفیا میراسی ١٥ سەدەی ڕابردووە هەم بۆ كریستانەكان و هەم بۆ موسڵمانەكان بووەتە پەرستگەیەكی پیرۆز. ئەم دۆخە، ناتوانێت بە بڕیارنامەیەكی دەوڵەتی بگۆرێت و بكەوێتە خزمەتی بەتەنها ئایینێك. بڕیاری ئایاسۆفیا، لە یاریەكی سیاسی دەسەڵات و لەناوبردنی میراسی كەلتوری هیچ شتێكی تر نییە.

798 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations