كۆمپانیای كیا مۆتۆرز لە توێژینەوەیەكی ئەمریكیدا بۆ كوالێتی بووە یەكەم

01.07.2020

لڤین: 
لە توێژینەوەیەكدا كە لە وڵاتی ئەمریكا ئەنجامدراوە ئۆتۆمبێلەكانی كۆمپانیای كیا مۆتۆرز جارێكی دیكە توانی ریزبەندی یەكەم بكرێت و ئەوەش بۆ شەشەم ساڵە كە ئەو كۆمپایایە لەو توێژینەوەیەدا یەكەم دەبێت. 


لە توێژینەوەیەكدا كە (جەی دی پاوەر)ی ئەمەریكی بۆ كوالێتییە یەكەمەكان ئەنجامی داوە ئەو كەسانەی لە ویلایەتە یەكگرتووەكانی ئەمریكا ئۆتۆمبێلەكانی كیایان كڕیوە، لە كاتی كڕینیانەوە تا 90 ڕۆژ، باسی كەمترین كێشەیان كردووە لە ئۆتۆمبێلەكانیان.


بەگوێرەی ئەو توێژینەوەیە یەكەم كۆمپانیای ئۆتۆمبێل بتوانێت لە توێژینەوەكانیاندا دوو ساڵ لەسەر یەك خەڵاتەكانی (جەی دی پاوەر) بۆ كوالێتیی یەكەمەكان بەدەست بێنێ.


بەگوێرەی راگەیەندراوێك كە كۆمپانیای نیم وەك بریكاری كۆمپانیای كیا بڵاوی كردووەتەوە لەمیانەی "توێژینەوەی كوالێتییە یەكەمەكان" (IQS) لە ویلایەتە یەكگرتووەكانی ئەمەریكا، كە لە كۆمپانیای "جەی دی پاوەر" (JD Power)  دوای ئەوەی تەنیا 136  كێشەیان لە 100 ئۆتۆمبێلدا ڕاگەیاند، بەمەش كیا بۆ ساڵی شەشەم لەسەر یەك یەكەم دەبێت لە نێوان ئەو هێما زۆر و جۆاروجۆرەی ئۆتۆمبێڵ كە لە بازاڕدا هەن.


بەگوێرەی راگەیەندراوەكە كێبڕكێكە لە نێوان 10 باشترین جۆرەكانی كەرتی ئۆتۆمبێل بووە و چەند جۆرێكی ئۆتۆمبێلەكانی كیا لەڕووی ئەداوە سەركەوتنیان بەدەست هێناوە، ئەوانیش هەریەكە لە (ئۆتۆمبێڵە تێكچەقیوەكان Compact Car)، سیدۆنا (مینیڤان Minivan)، سۆرێنتۆ (وەرزشیی فرەمەبەستی مامناوەندی بەرز Upper Midsize SUV)، سوڵ (وەرزشیی فرەمەبەستی بچووك Small SUV). بوون. 


شون یوون، سەرۆكی جێبەجێكاری لە (كیا مۆتۆرز)ی ویلایەتە یەكگرتووەكانی ئەمەریكا ڕایگەیاند: ئەمە ئەو ئەركەشمان دەخاتەسەر كە دەبێ لە هەوڵەكانمان بەردەوام بین و هەموو هەوڵێك بدەین بۆ ئەوەی ببینە باشترین".


توێژینەوەكە پشت بە شیكردنەوەی وەڵامەكانی 87,282 توێژەر، تایبەت بە 189 ئۆتۆمبێل و لە 26 جۆر دەبەستێت. هەڵسەنگاندنەكانیش لەسەر چەند بنەمایەك دەبن، لەوانەش: ئەزموونی هاژووشتن، ئەدای بزووێنەر و گێڕ و كۆمەڵێك كێشەی پەیوەست بە كوالێتیی ئۆتۆمبێلەكان و ئەو كێشانەی خاوەن ئۆتۆمبێلەكان باسی دەكەنەوە.

388 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations