بەهۆی رووداوەكەی هەورامانەوە فەرمانی دەستگیركردن بۆ ژمارەیەك كەس دەرچوو

23.06.2020

لڤین: 
لە گوندی سەرگەتی ناوچەی هەورامان ژمارەیەك كەس كە كاڵایان لەئێرانەوە بەقاچاخ هێناوە، لەگەڵ پاسەوانی سنور پێكدانایان لە نێواندا روودەدات و كەسێك گیان لەدەستدەدات و كەسێكیش بریندار دەبێت. 


 رووداوەكە لە بەرەبەیانی ئەمڕۆ چوارشەممە روویداوە كەسێك لەوانەی كە هاوڵاتی بووە و خەڵكی گوندی هانەی دنە بە گوللە كوژراوە، كەسوكارەكەشی رایانگەیاندووە كە بە گوللەی پاسەوانی سنور كوژراوە.


دوای رووداوەكە بنكەی پاسەوانی سنور لەلایەن كەسوكاری ئەو هاوڵاتیەی كوژراوە سوتێندرا و فەرماندەی بنكەی پاسەوانیەكەش بریندار بووە تا ئێستاش پۆلیس دەستگیر كردنی پێنج كەسی راگەیاندووە و فەرمانی دەستگیر كردنیش بۆ سەرجەم ئەو كەسانە دەرچووە كە تەقەیان كردووە. 


لە ئێستاشدا هێزێكی زۆری پاسەوانی سنور لە نزیكی بارەگاكە كۆكراونەتەوە لە حاڵەتی ئامادە باشیدان بۆ ئەوەی رێگری بكەن لە هەر هەوڵێكی هێرشكردنەوە سەریان. 

 

 

فۆتۆ: رۆژنیوز

3205 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations