تەندروستی جیهانی: شەپۆلی نوێی كۆرۆنا وێرانكەرە

03.06.2020

لڤین: 
رێكخراوی تەندروستی جیهانی رایگەیاند، بڵاوبونەوەی شەپۆلی دووەمی كۆرۆنا، ئەگەر كۆنتڕۆڵ نەكرێت وێرانكەر دەبێت.

هانز كلۆگی، بەرێوەبەری رێكخراوی تەندروستی جیهانی لە ئەوروپا رایگەیاند: بەهۆی كەمكردنەوەی رێكارەكانی خۆپارێزی لە كۆرۆنا لە ژمارەیەكی زۆر لە وڵاتانی جیهان، چەندین ئاماژە لەبارەی بڵاوبونەوەی شەپۆلی دووەمی ڤایرۆسەكە سەریهەڵداوە.

ناوبراو لە كۆنگرەیەكی رۆژنامەوانیدا وتیشی: پێویستە رێكاری توند لە بەردەم بڵاوبونەوەی ئەو شەپۆلەی ڤایرۆسەكە داندرێت، چونكە لەوانەیە شەپۆلێكی وێرانكەربێت.

ئەو بەهۆی نەدۆزینەوەی هیچ جۆرێكی چارەسەر و ڤاكسین بۆ پەتاكە ئاماژەی بەوەكرد بەرەوپێشچوون نیە لە كۆنتڕۆڵكردندا بۆیە پێویستە هەموولایەك بە وریاییەوە مامەڵە بكەن. 

4331 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations