ھۆشیار عەبدوڵا: دەبوو حکومەتیشیان وەک پەرلەمان دابخستایە

23.05.2020

لڤین:

ئەندامیکی ئەنجومەنی نوێنەران رەخنە لە وتارەکەی سەرۆکی حکومەتی ھەرێم دەگرێت و دەڵێت، دەبوو ئەو حکومەتەی ٢٧ میار دۆلاری قەرز ھێناوەتە سەر ھەرێمی کوردستان دەبوو وەک داخستنی پەرلەمان دابخرایە چونکە سەرەکەکەی ھەرلەو حزبەبووە.

ھۆشیار عەبدوڵا، ئەندامی ئەنجومەنی نوێنەرانی عێراق، دەربارەی قسەكانی سەرۆكی حكومەت، رایگەیاند: كۆمەڵگەی ئێمە بە هیچ شتێك شۆك نابێت ئەگەرنا دەسەڵاتدارەكانی خۆیان ملێۆنێر بن و لە ۲٠٠۸ ەوە بەتانكەر و لە ۲٠۱٤ ەوە بە بۆری نەوتی هەرێم ماوەیەك بەشێكی نەوتی كەركویشیان فرۆشتبێ كەچی بڵێن دۆلارێك پاشەكەوتمان نییە بەڵكو ۲۷ ملیار قەرزارین هی ئەوەیە شكستیان رابگەیەنن نەك هیچ شتێكی تر!‬
ئەو پەرلەمانتارە دەشڵێت: ۲۷ ملیار دۆلار قەرز بۆ هەرێمێكی بچكۆلانە كە لە بەغدادەوە پارەی بۆ هاتبێ جگە لە داهاتی نەوت و ناوخۆ فەزیحەیەكی سیاسی و ئابووری زەبەلاحە.‬
ئەو پێی وایە، سەرۆكی حكومەت راستدەكات كاتێك دەڵێت، راستكردنەوەی چەوتییەكانی رابردوو كاتی دەوێت و دەشپرسێ "مەگەر حوكمڕانی دوێنێش هەر حیزبەكەی ئەو نەبوو؟ ئەوە بۆچی كاتێك هاتە سەر كورسییەكەی سەرۆك بە كۆبوونەوەیەكی حیزبی پەرلەمانیان داخست بەڵام بە دەیان كۆبوونەوە نەیانتوانیوە حكومەتی پێشو لە چەوتی رابگرن?".

‫ ‬ھۆشیار عەبدوڵا ھیواشیخواستووە مەسرور  بارزانی بتوانێ بەشێك لە وتارەکەی لە پەیوەست بە چاكسازیەكان وەدی بهێنێ، دەشڵێت "بەلام قسەگەلێك كە پەیوەست بن بە حوكمرانیی تەندروست و ئابوری بەهێزەوە بە كەسێك جێبەجێدەكرێ كە عەقڵیەتی دەوڵەتداری هەبێ نەك حزبایەتی،ئەمشەو قسەكانیمان بیست،بزانین چەندیتر كردارەكانی دەبینین!؟".

1571 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations