پۆلیس چوار كەسی بەهۆی تەقەی خۆشیەوە دەستگیر كرد

06.04.2020

لڤین: 
بەڕێوەبەرایەتی پۆلیسی سلێمانی رایگەیاند چوار كەسیان دەستگیر كردووە كە تەقەی خۆشیان بەسەر ئۆتۆمبێلێكی فریاكەوتندا كردووە كە نەخۆشێكی گەڕاندووەتەوە بۆ ماڵەكەی خۆی. 

پۆلیسی سلێمانی رایگەیاند: مەفرەزەكانی بەشی پۆلیسی شارەزور چوار تۆمەتباریان دەستگیركرد كە تەقەی خۆشیان بەسەر ئۆتۆمبێلێكی فریاكەوتنی تەندروستیدا كردبوو.

لە تۆڕە كۆمەڵایەتییەكان گرتە ڤیدیۆیەك بڵاوكرایەوە كە چەند كەسێك تەقە بەسەر ئۆتۆمبێلێكی فریاكەوتنی تەندروستیدا دەكەن كە نەخۆشێك دەگوازێتەوە بۆ گوندێك لەسنوری قەزای شارەزور .

دوای ئەوەی بەڕێوەبەری پۆلیسی سلێمانی فەرمانی بەدواداچونی بۆ ئەو دۆسیەیە كرد "توانرا لەلایەن بنكەی پۆلیسی وارماوای سەربەبەشی پۆلیسی شارەزور چوار تۆمەتبار دەستگیربكرێن". 

پۆلیس كورتكراوەی ناوەی ئەو چوار كەسی بڵاو كردووەتەوە و دەشڵێت: لەئێستادا تۆمەتباران بەبڕیاری بەڕێز دادوەر ڕاگیراون و لێكۆڵینەوە لەگەڵیان بەردەوامە .

1533 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations