بریكاری وه‌زیری ته‌ندروستی ئێران: 3 هه‌زارو 162 كه‌س به‌ڤایرۆسی كۆرۆنا گیانیان له‌ده‌ستداوه‌

05.03.2020

لڤین:

 بریكاری وه‌زیری ته‌ندروستی ئێران ده‌ست له‌كاركێشانه‌وه‌ی پێشكه‌ش به‌ سه‌رۆك كۆماری ئێران كردووه‌.

قاسم جان بابایی، بریكاری وه‌زیری ته‌ندروستی ئێران ده‌ست له‌كاركێشانه‌وه‌ی پێشكه‌ش به‌ حه‌سه‌ن روحانی، سه‌رۆك كۆماری ئێران كردووه‌و رایگه‌یاندووه‌: ئه‌و كه‌سانه‌ی تا ئێستا له‌ سه‌رتاسه‌ری ئێران تووشی نه‌خۆشی ڤایرۆسی كۆرۆنا بوون گه‌یشتۆته‌ یه‌ك ملیۆن و 348 هه‌زار و دوانزه‌ كه‌س(١،٣٤٨،٠١٢)، ژماره‌ی ئه‌وانه‌شی به‌ نه‌خۆشییه‌كه‌ گیانیان له‌ده‌ستداوه‌ گه‌یشتۆته‌ سێ هه‌زارو 162 كه‌س، له‌نێوان مردووه‌كانیش 537 منداڵی تێدایه‌ كه‌ ته‌مه‌نیان له‌ژێر 12 ساڵیدایه‌.

هه‌روه‌ها بابایی رایگه‌یاندووه‌ كه‌ توانای ئه‌وه‌یان نییه‌ رێگری له‌بڵاو بوونه‌وه‌ی په‌تاكه‌ بكه‌ن.

به‌ڵام به‌ گوێره‌ی ئاماره‌ فه‌رمییه‌كانی ئێران تا ئێستا 92 كه‌س به‌ ڤایرۆسه‌كه‌ گیانیان له‌ده‌ستداوه‌و دوو هه‌زارو 922 كه‌سیش تووشی ڤایرۆسه‌كه‌ بوون و له‌ماوه‌ی 24 كاتژمێری رابردووشدا 15 كه‌س گیانیان له‌ده‌ستداوه‌.

10463 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations