سۆران: بەهۆی بەفرەوە چەند شوێنێك داڕماون

15.02.2020

لڤین:
بەڕێوەبەرایەتی بەرگری شارستانی سۆران رایگەیاند، بەهۆی زۆری بڕی بەفربارینەوە لە سنوری قەزاكەیان چەند یاریگا و هۆڵ و پێشانگای ئۆتۆمبێل داڕماون و دەیان ئۆتۆمبێل زیانیان بەركەوتووە.

لەراگەیەندراوێكدا بەڕێوەبەرایەتی بەرگری شارستانی سۆران ئاماژەی بەوەكردووە، نزیكەی  40 سانتیمەتر بەفر لە سنورەكەیان باریوە و بەوهۆیەشەوە پێشانگاكانی سلێمانی و چیا و رۆژهەڵات و دوبەی داڕماون.

ئاماژەی بەوەشكردووە، هەر بەهۆی بەفربارینەوە كەپری چەند ماڵێك داڕمان و زیانیش بەر هێڵەكانی كارەبای چەند دوكانێك كەوتووە و یاریگاكانی تۆپی پێی بادلیان و شەهیدانی ئازادی و هۆڵی هەستی لە سنوری قەزاكە رووخاون.

205 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations