میدیایی پارتی: چەندین بەڕێوبەری شارەوانی هەولێر دورخراونەتەوە

15.02.2020

لڤین:

بەپێی هەواڵێكی ماڵپەڕی فەرمی پارتی لە سنوری شارەوانیەكانی هەولێر چەند بەڕێوبەر دورخراونەتەوە، كە بەشێكیان بە هۆی ئاشكرابوونی بوونی سەرپێچیەكانیانەوە بووە.

ماڵپەڕەكە لە زاری سەرچاوەیەكی ئاگادارەوە بڵاویكردۆتەوە، "لە سنووری پارێزگای هەولێر، هەریەك لە بەڕێوەبەری شارەوانیی چوار و بەڕێوەبەری شارەوانیی دوو لە پۆستەكانیان لادران، هەروەها بەڕێوەبەری ئاوەڕۆی هەولێر و بەڕێوەبەری ئاوی دەوروبەری هەولێر لە پۆستەكانیان دوور خرانەوە.

ئەو سەرچاوەیە ئەوەیشی خستە ڕوو، كە بەشێك لە گۆڕانكارییەكان لە ئەنجامی گرتنەبەری ڕێكاری یاسایی بوون، دوای ئەوەی سەرپێچی ئەو كەسانە ئاشكرا بووە و لە پۆستەكانیان دوور خراونەتەوە، بەڵام بەشێكیشی تێدا بووە بەهۆی درێژیی ماوەی مانەوەیان لە پۆستەكانیان دوور خراونەتەوە.

647 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations