دادگایکردنی تۆمەتبارانی رووداوەکەی هۆقەباز بە نهێنی بەرێوە چوو

06.02.2020

لڤین:  
ئەمڕۆ بە شێوەیەکی بێدەنگ یەکەمین دانیشتنی دەستگیرکراوەکان لەسەر رووداوی ریستۆرانتی هۆقەباز دادگایی کران و کەشیان دواخرا بۆ کاتێکیتر.

لە کاتێکدا ئەمڕۆ پێنج شەممەبڕیاری کۆتایی دادگا لەسەر کەیسی مەلامەزهەر بەڕێوە چوو، هاوکات پۆلیسی بەڵگەی لە کۆنگرەیەکی رۆژنامەوانیدا چاوی میدیاکانی ئاراستەی خۆی کردو گومانی لەسەر بڕیاری دادگای سلێمانی دروست کرد.

ئەوە جگە لەوەی کە دادگاییکردنی تۆمەتبارانی رووداوەکەی ریستۆرانتی هۆقەباز یەکەم دانیشتنی دادگاین بەڕێوە چوو بەشێک لە میدیاکان هەر ئاگاداری ئەو پڕۆسەیە نەبوون.

 رۆژی ١٧.٧.٢٠١٩ لە کاتی ئامادەبونی برایەکی سەرۆکی هەرێمی کوردستان لە ریستۆرانتی هۆقەباز هێرش کرایە سەر بەرپرسێکی تورکیا لە هەرێمی کوردستان و دواتریش هێزە ئەمنیەکان گەمارۆیان خستە سەر کەمپی پەنابەرانی مەخمور  و تائێستاشئەو گەمارۆیە بەردەوامە.

لەوکاتەدا پارتی تۆمەتبارکرا بە پەردەپۆشکردنی ئەو ڕووداوە کە دیارترینیان رێبوار کەریم وەلی رۆژنامەنوسی نزیک لە سەرۆکی هەرێم ئەو گومانانەی باسلێوە کرد.  

1897 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations