نوسینگەی مەحمود سەنگاوی رونكردنەوەیەك بڵاو دەكاتەوە

02.02.2020

لڤین:
سەركردەیەكی سەربازی یەكێتی رونكردنەوەیەك بڵاودەكاتەوە و ئاشكرای دەكات ئەوەی لە خەڵكی ناوچەكە دژ بە قۆرخكاری لایەنێكی سیاسی لە سنوری چەمچەماڵ وەستاونەتەوە.

نوسینگەی مەحمود سەنگاوی، ئەندامی ئەنجومەنی سیاسی و بەرژەوەندی یەكێتی، لە رونكردنەوەیەكدا دەڵێت "لە چەند دەزگایەكی ڕاگەیاندنەوە هێرشێكی ناڕەوا و نابەرپرسانە دەكرێتە سەر هەڤاڵ مەحمود سەنگاوی و چەند سەركردەیەكی دیكەی (ی.ن.ك) سەبارەت بە چەند كەیسێكی شێوێنراو پەیوەست بە نرخی سوتەمەنی، سەرجەمی ئەو بڵاوكراوانە دورن لە ڕاستییەوە". 

نوسینگەكەی سەنگاوی ئەوەی رونكردووەتەوە "ئەوەی ڕوویداوە بە پێی زانیاریەكانمان تەنها ڕێگریەك بووە كە لەلایەن خەڵكی ناوچەكەوە كراوە دژ بە قۆرخكاریی كۆمپانیایەكی سەر بە لایەنێكی سیاسی دیاریكراو لە بەرگی حكومەتدا لە ناوچەكە". 

ئەوەشی ئاشكرا كردووە "لە ماوەیی ڕابردوودا دەستێكی نادیار چەندین كاری دزێو و نایاسایی لەژێر ناوی هەڤاڵ مەحمود سەنگاویدا ئەنجامداوە، هەر بۆیە بە پێویستی دەزانینن كە كۆمەڵانی خەڵكی بەشەرەفی كوردستان بەئاگا بن و لە ئەگەری ڕوودانی هەر كارێكی نایاسایی بەرامبەریان لایەنی پەیوەندیدار ئاگادار بكەنەوە بۆ ئیجرائاتی یاسایی و لە ئەگەری بەكارهێنانی ناوی هەڤاڵ مەحمود سەنگاویدا بۆ هەر جۆرێك لەو كارانە كە مەبەست لێی ناشرینكردن و ناوزڕاندنی هەڤاڵ مەحمود سەنگاوییە پەیوەندی بكەن ژمارە تەلەفۆنی (٠٧٧٠١٥٢٣٥٨٨).

3824 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations