كاندیدە دیاریكراوەكەی سەرۆك وەزیرانی عێراق "ئامادەم دەستلەكار بكێشمەوە"

01.02.2020

لڤین: 
كاندیدە راسپێدراوەكەی سەرۆكی ئەنجومەنی وەزیرانی نوێی عێراق لەگەڵ مالیكی ناكۆكی هەبووە و بەڵێندەدات هەركات گوشار بخرێتەسەری دەست لە پۆستەكەی بەردەدات. 

محەمەد تۆفیق عەلاوی، سیاسییەكی شیعە، دوای ئەوەی بۆ وەرگرتنی پۆستی سەرۆكایەتی ئەنجومەنی وەزیران كاندید كرا ئێوارەی ئەمڕۆ ڕایگەیاند، ئەگەر فشار بخرێتەسەری دەستلەكار دەكێشێتەوە.

محەمەد تۆفیق عەلاوی، لەساڵی ١٩٥٤ لە ناوچەی كەڕادەی بەغدا لەدایك بووە، خوێندنی سەرەتای و ناوەندی و ئامادەیی لە بەغدا تەواوكردووە. 

ئەو لەدوا ساڵی خوێندنیدا لەكۆلێژی ئەندازیاری بیناسازی لەزانكۆی بەغدا، لە ١٩٧٧ ناچاربووە زانكۆ جێهێڵێت و دەچێتە وڵاتی لوبنان، لەوێ لە زانكۆی ئەمەریكی دەستی بەخوێندن دەكاتەوە و لەساڵی ١٩٨٠ بڕانامەی بەكالۆریۆس بەدەستدەهێنێت لە بواری ئەندازیاری بیناسازی.

سەرەتا نزیك لەمحەمەد باقر ئەلسەدری دووەم بووە، یەكەمجار لە كاتی خوێندكاربونیەوەپەیوەندی بە حیزبی دەعوە كردووە، بەڵام لەدوای پڕۆسەی ئازادیی عێراق وازدەهێنێت. 

دواتر لەگەڵ ئەیاد عەلاوی، لیستێك دروست دەكەن و دواتریش لە كابینەی مالیكیدا دەبێتە لەساڵی  ٢٠٠٦-٢٠٧ وەزیری گواستنەوە و گەیاندن بووە. 

ساڵی ٢٠١٠ بوویەوە بەوەزیری گواستنەوە و گەیاندن لە كابینەی دووەمی مالیكی بەڵام لەساڵی ٢٠١٢ بەهۆی كێشەی لەگەڵ مالیكی دەستی لەكاركێشایەوە.

ئەمڕۆش بۆ پێكهێنانی كابینەی نوێی حكومەتی عێراقی راسپێدراوە.

811 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations