پۆلیس هۆكاری گیانلەدەستدانی خێزانەكەی عەنكاوە ئاشكرا دەكات

23.01.2020

لڤین:  
ئەو سێ تەرمەی ٢١ی ئەم مانگە لە ماڵێكدا لەعەنكاوە دۆزرانەوە بە هۆی غازی سۆپاوە مانگێك پێش ئێستا گیانیان لەدەستداوە و بەهۆی باوكی منداڵەكانەوە بیە رووداوەكە زاندراوە. 

فەخرەدین نوری، بەرێوەبەری بنكەی پۆلیسی عەنكاوە، رایگەیاند: ئەو سێ كەسە كە لە دایك و كوڕ و كچەكەی پێكهاتبوون خەڵكی سنوری دەشتی نەینەوا بوون، بەهۆی ئاوارەبونیان، زیاتر لە دوو ساڵە لە عەنكاوە نیشتەجێن،  ئەو خێزانە لەگەڵ هاوسەرەكەی كێشەی جیابوونەوەیان هەبووە، بۆیە بە تەنها ژیاون. 

بەرشێوەبەری بنكەی پۆلیسی عەنكاوە رونیشی دەكاتەوە: دوای ئەوەی چەند جارێك پیاوەكە دەیەوێت منداڵەكانی ببینێت، سەردانی ماڵەكە دەكات، بەڵام دەرگا ناكەنەوە، دواتر پۆلیس ئاگاداردەكاتەوە لە دیارنەمانی ئەو سێ كەسە، بۆیە پۆلیس بە بڕیاری دادگا دەچنە ماڵەكە و دوای شكاندنی دەرگا، دەبینن هەرسێ كەسەكە گیانیان لە دەستداوە، دوای لێكۆڵینەوە بۆ تەرمەكان دەركەوت كە بەهۆی سۆپای نەوتەوە گیانیان لە دەستداوە رووداوەكەش زیاتر لە مانگێكە روویداوە.

رۆژی 21ی ئەم مانگە تەرمی خێزانێكی سێ كەسی لە ماڵێكدا لە شارۆچكەی عەنكاوەی سەر بە پارێزگای هەولێر دۆزرانەوە و هۆكاری گیان لەدەستدانیان نەزانرا و دواتر تەرمەكان رەوانەی پزیشكی دادوەری هەولێر كران و دوای لێكۆڵینەوەكان دەركەوت بەهۆی سۆپاوە گیانیان لەدەستداوە.

2472 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations