ئەبوبەكر هەڵەدنی بۆ هێڤیدار ئەحمەد: زۆر جاران خواخوات بوو لێدوانێكم لێوەربگری

14.01.2020

لڤین: 
ئەوبەكر هەڵەدینی ئەندامی پەرلەمانی كوردستان بە پەرلەمانتارێكی پارتی دەڵێت، لەخولی پێشوو زۆر جاران خواخوات بوو لێدوانێكم لێوەربگری،  بە شێوەیەكی ناراستەوخۆ ئەو پەرلەمانتارەی پارتی بە ماستاوچی ناودەهێنێت.  

ئەبوبەكر هەڵەدنی، ئەندامی پەرلەمانی كوردستان لە فراكسیۆنی یەكگرتوو، وەڵامی پەرلەمانتارێكی پارتی دەداتەوە بەهۆی ئەوەی لە لێدوان و قسەكانیدا سوكایەتی بە چەند ئەندامێكی پەرلەمانی كوردستنا كردووە و دەڵێت: لە بیست وهەشت ساڵی حوكمڕانیە شكست خواردوەكەتانا بایی پەنجا ساڵی تر پۆخڵەوات وگەندەڵیتان بەجێ هێشتوە كە ئۆپۆزسیۆن كاری لەسەر بكات.

دەقی نوسینەكە:  

سێ قسە لەبارەی وڕێنەكانی كاك هێڤیدار ئەحمەدەوە!؟؟

یەكەم/فراكسیۆنی یەكگرتوو تووشی شۆك بوو لە یاسای چاكسازی چونكە :
_ئەوە یەكگرتوە سەدان كادیر وسەركردەی بەوەزیروبریكاری وەزیرو راوێژ كار وبەڕێوەبەری گشتی خانەشین كردوەو كێج كەوتۆتە كەوڵمان.
_ئەوە یەكگرتوو بوو لەكاتی شەڕی تیرۆریستانی داعش خەریكی قاچاخچێتی نەوت فرۆشتن بوو لەگەڵیان وئێستاش لەمەرزەكانەوە هێلكە ودەرمان وخواردنی بەسەرچوو دەهێنێ وبەقوڕگی خەلكیا دەكات وپارەكەشی لەفەردەی خەت سوور لەژێر زەمینی بارەگاكانیا حەشار داوە.
_ئەوە یەكگرتووە سەدان كۆمپانیای قوت كردۆتەوە ودەستێكمان كەوتۆتە ئەملاو دەستێكیش لەولا چی بكەین لەكۆمپانیاكانمان.
_لەهەمووی كارەسات تر یەكگرتوو چی بكات لەوهەموو جاش وسیخوڕ ئەنفال چی وپێشمەرگە كوژ وهاوڵاتی كوژو خاوەن سرودەكانی سەرۆكمان زێڕە كە خانەنشینی بۆ بڕیبوونەوە،هەیهوو یەكگرتوو لێی قەوما.
_ئەوە یەكگرتوە بەسەدان كادیری حزبی موچەی لەسەر حكومەت بۆ بڕیونەتەوەو لەسۆشیال میدیاوە شەوانە ڕۆژی خەریكی جوێن دان وسوكایەتین وبۆجركەیەكیش دەوامی حكومیان نەكردوەو ودەستەكەمان كەشف بوو.
_ئەوە یەكگرتووە كە شەش ساڵە دەستی ناوەتە بینە قاقای دەرچوانی زانكۆ وپەیمانگاكان وگەنجانەوە وناچاری سەرهەڵگرتنیان دەكات .
كوڕی باش گەر پینەو پەڕۆی هەڵوێستە نابەرپرسیارانەكەی دوێنێی ناوهۆڵی پەرلەمانت دەكرد،هیچ نەبا پرسێكت بەدیزاینەرانی پینەوپەڕۆ بكردایە تا جوانیان بۆ بهۆنیتایەتەوە.

دووەم/دەربارەی ئۆپۆزسیۆن شانازی دەكەین ئۆپۆزسیۆنێكی ڕاستگۆ وپیشەیین وبەداتاو ئامار چاودێری حكومەت دەكەین، لە بیست وهەشت ساڵی حوكمڕانیە شكست خواردوەكەتانا بایی پەنجا ساڵی تر پۆخڵەوات وگەندەڵیتان بەجێ هێشتوە كە ئۆپۆزسیۆن كاری لەسەر بكات.
تەنها لەسایەی دەسەڵاتە شكستخواردوەكاندا ئۆپۆزسیۆن ڕاو بۆ چونی بەهەند وەرناگیرێ وبەهەناسەی تەنگەبەری حزبی ووەك دوژمن مامەڵەدەكرێ نەك پێزو هێزو چارەسەری پێشنیازو پڕۆژركانی، ئەگەر بەگوێی ئێمەمانانتان بكردبا ئێستا گەمارۆی گەندەڵی وگەندەڵكارانمان دابووو بەشێكی بەرچاویشیانمان هەواڵەی زیندانەكانی چاكسازی كردبوو.

سێ یەم/كورد واتەنی هەموو كەس لەباخەڵی خۆیەوە گوێزان دەژمێرێت، ئەوەی ڕێز لەبەرامبەرەكانی دەگرێت خۆی ڕێزدارو خاوەنی ڕێزە وپێچەوانەكەشی ڕاستە،خۆ جەنابت لەزانكۆكانی (ئۆكسفۆرد وهارفاردو سۆربۆنەوە) نەهاتویەوە تا خۆتمان بەسەردا گیڤ بكەیتەوەو ئێستا بەرامبەر بەهاوپیشەكانت (كەزۆریان بەسەرتۆوە هەیە)بەوپەڕی لوتبەرزی ولەخۆڕازی بوون بڵێی(ئەوەی پێی دەڵێن شێركۆ جەودەت)و(ئەوكوڕە كەناوی سیپان ئامێدی یە)و(ئەو كابرایەی پێی دەڵێن ئەبوبەكرهەڵەدنی)بەو جۆرە ناوت نەدەهێنان.

ئەو كابرایەی كەناوی ئەبوبەكر هەڵەدنی یە لەخولی پێشوو زۆر جاران خواخوات بوو لێدوانێكی لێوەربگری، هیچم نە كردبێت لەژیانمان ئەو شانازیەم هەیە تا ئێستا ڕێم لە داڵان و گوزەری ماستاوچیان ودەربارو كۆیلەكان نەكەوتوە و خوا پشتیوان بێت بۆ هەتا هەتایە سەری پیاناكەم.

ئەبوبەكر هەڵەدنی
١٤ی ١ی ٢٠٢٠

3464 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations