زیدان بە یاریزانێكی ئەتلەنتیكۆ سەرسامە

11.01.2020

لڤین:
زیدان سەرسامە بە تواناكانی یاریزانێكی ئەتلەنتیكۆ مەدرید و دەڵێت ئەو یاریزانە داهاتویەكی گەشی هەیەو راهێنەرەكە خۆشی ئامادە كردووە بۆ یاریەكەی سبەینێ. 

بڕیارە سبەی یاریی كۆتایی جامی سوپەری ئیسپانیا لە نێوان یانەی ریاڵ مەدرید و ئەتلەتیكۆ مەدرید بەڕێوە بچێت راهێنەری ریاڵ مەدرید لەبارەی ئەو یاریەوە وتی "ئێمە ئامادەین بۆ یاریی كۆتایی و دڵخۆشین بەوەی گەیشتین بەو قۆناغە، باش دەزانین ئەمە یاریی كۆتایی و یاریزانەكانی ئێمە بۆ ئەو یارییانە دەجەنگن و لە پێناو ئەو یارییانەدا دەژین".

پێش یارییەكە زەینەدین زیدان، راهێنەری ریاڵ مەدرید، لە كۆنگرەیەكی رۆژنامەوانیدا وتیشی: من زۆر سەرسامم بە جواو فیلێكس و ئەو یاریزانە داهاتویەكی گەش چاوەرێی دەكات.

راهێنەری ریاڵ مەدرید وتیشی "لەگەڵ ئەوەی ئێمە خاوەنی چەندین یاریزانی بە تواناین، بەڵام پێویستە بە باشی راهێنان بكەین و خۆمان بۆ ئەو یارییە ئامادە بكەین، پێویستە لە یارییەكەدا بیسەلمێنین باشترینین، پێویستە هاندەرامان دڵخۆش بكەین".

زیدان لەبارەی شكستەكەی بەرشەلۆنە وتی "لەوبڕوایەدا نەبوم بەرشەلۆنە دوچاری شكست بێت، بەڵام تیمەكەی سیمیۆنی سەلماندی كە كۆڵ نادەن لە پێناو بردنەوەدا و دڵنیام بۆ یاریی كۆتایش بە هەمان رۆحیەتەوە یاریی دەكەن".

ناوبراو وتیشی "یەكێتیی تۆپی پێی ئیسپانیا شێوازی پاڵەوانێتیەكەی گۆڕیوە و پێویستە ئێمەش قبوڵی بكەین، ئێمە دڵخۆشین لە یاریی كۆتایداین و دەشمانەوێت بردنەوە بەدەست بهێنین"

1849 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations