دەمیرتاش لەبەردەم دادگا: وتەکانم دەستکاری کراوە

09.01.2020

لڤین: 
دادگاییكردنی سەڵاحەددین دەمیرتاش، هاوسەرۆكی پێشووی هەدەپە لە دادگای سزادانی ئەنقەرە، بۆ ٢٧ و ٢٨ی ئایاری داهاتوو دواخرا دەمیرتاش رایگەیاند دەستكاری قسەكانی كراوە. 

دادگاییكردنی هاوسەرۆكی پێشووی هەدەپە، سەڵاحەددین دەمیرتاش بەتۆمەتەكانی “رابەرایەتیكردنی رێكخراوی تیرۆریستی، بانگەشەكردن بۆ رێكخراوی تیرۆریستی، دژایەتیكردنی یاسای گردبوونەوە و رێپێوان، چاندنی رق و دوژمنایەتی لە دڵی خەڵكدا، ستایشكردنی تاوان و تاوانباران، هاندانی هاووڵاتییان بۆ پابەندنەبوون بە یاساكان و ئەنجامدانی تاوان” بەردەوامە.

لەو سەردەمەدا لە چەندین ناوچە شەڕ دەستی پێ كردبوو. ئێمە لە هەوڵی ئەوەدا بووین ئەو شەڕانە بوەستێنین

ئەمڕۆش لە 19 هەمین دادگای سزا قورسەكانی ئەنقەرە دانیشتنێكی دیكەی دادگا بە ئامادەبوونی پارێزەرەكانی سەڵاحەدین دەمیرتاش بەڕێوەچوو، بەڵام بەشێوەیە ئینتەرنێتی لە دانیشتنەكەی دادگا قسەی كرد و لەبارەی دۆسیەی سێهەمی پەیوەست بە قسەكانی كە لە ڕۆژی ٢٤ی تشرینی یەكەمی ٢٠١٥ لە لیجە كردبووی، پارێزگاری لەخۆی كرد.

ئەو لە قسەكانیدا ئاماژەی بەوە كرد كە بەشێك لە قسەكانی بەتایبەتی دەرهێندراون و ماناكەیان گۆڕدراوە، تیشكی خستە سەر ئەوەی، ئەم قسانەی لە نێوان هەڵبژاردنەكانی ٧ی حوزەیران و ١ی تشرینی دووهەم كردوویەتی و وتی "لەو سەردەمەدا لە چەندین ناوچە شەڕ دەستی پێ كردبوو. ئێمە لە هەوڵی ئەوەدا بووین ئەو شەڕانە بوەستێنین". 

دوای گوێگرتن لە پارێزەرەكان، دادگا بڕیاریدا دانیشتنەكە بۆ ٢٧ و ٢٨ی ئایار دوابخات

لە بەردەوامی قسەكانیدا دەمیرتاش وتی "ئەو قسانەی لە پوختەكەدا نووسراونەتەوە، بیرو بۆچوونی منن. من دووبارەشیان دەكەمەوەو لە پشت قسەكانم دەوەستمەوە. كاتێك ئێمە دەگەڕێینەوە دواوە و سەیرێكی رابردوو دەكەین، دەڵێین خۆزگا ئەو قسانەمان جێبەجێ كردبان. خۆزگا ئەو شتانەی باسمان كردبوون، هێزی سیاسیمان هەبوایا و بەفەرمیمان بكردایا. من تەنها بۆ ئەمە دڵگرانم. ئەگەر نا هیچ دڵگران نیم كە دادوەر ئەم قسانەم چۆن دەنرخێنێت. پێویستە مرۆڤ بە گومانەوە سەیری ئەو دادوەرە بكات كە قسەكانی منی كردووە بە قسەی "بەڕێوەبەرایەتی رێكخستن". خزمەت بە كێ دەكات و كێشەی چیە، پێویستە مرۆڤ ئەم بابەتە گۆتوبێژ بكات."

دەمیرتاش تیشكی خستە سەر كۆمەڵكوژییەكانی سووری ئامەد و جزیر و وتی:"لەو ناوچانە خەڵكی مەدەنی زیانێكی زۆری بەر كەوتووە. چونكە ئەم  باسەم خستووەتە روو، من ئێمڕۆ تاوانبار دەكرێم."

پارێزەرەكانی ناوبراو داواكارییەكانی خۆیان پێشكەش بە لیژنەی دادوەری كرد و دوای گوێگرتن لە پارێزەرەكان، دادگا بڕیاریدا دانیشتنەكە بۆ ٢٧ و ٢٨ی ئایار دوابخات.


844 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations