بۆ ساڵیادی کاوە گەرمیانی لە ھەولێر گردبونەوەیەک ئەنجامدرا

05.12.2019

لڤین:

ژمارەیەک رۆژنامەنوس و چالاکوانی مەدەنی لە شاری ھەولێر بۆ شەشەمین ساڵیادی تیرۆرکردنی کاوەگەرمیانی گردبونەوەیەکیان رێکخست.

ئەمڕۆ لەبەردەم پارکی شانەدەر لە شاری هەولێر، چالاکوانان و ڕۆژنامەنووسان شەشەمین ساڵیادی تیرۆرکردنی شەهید کاوە گەرمیانی-یان بەرز ڕاگرت.

بەهزاد موحسین چالاکوان بەنوێنەرایەتی ئامادەبوانی گردبونەوەکە راگەیەندراوێکی خوێنەوە کە تیایدا ھاتووە: ۆژنامەنوسان و چالاکوانانی هەولێر، لە شەشەمین ساڵڕۆژی تیرۆرکردنی قەڵەم و ڕۆحە دژەگەندەڵی و ئازادیخوازەکەی شەهید کاوە گەرمیانی لە هەولێر گرد بوووینەتەوە.

ئەوەشی راگەیاند ئامانجەکەیان ئەوەیە "تا پەیامی هاوسۆزیی بۆ بنەماڵەکەی و تەواوی خەمخۆرانی ئازادی وهاوپەیامەکانی شەهید کاوە گەرمیانی دووپات بکەینەوە".
راگەیەندراوەکە باسی ئەوەشی کردووە: لای ئێمە نەوەک هەر دۆسیەکەی شەهید کاوە گەرمیانی دانەخراوە، تەنانەت دۆسیەی تێکڕای شەهیدانی قەڵەم، سۆران، سەردەشت، ویداد و دەیانی تر دانەخراون.

482 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations