دوو زیندانی كورد دوای نزیكەی 30 ساڵ ئازاد كران

21.11.2019

لڤین: 
دوو زیندانی كورد كە بەتۆمەتی ئەندامێتی لە حزبەكانی رۆژهەڵاتی كوردستان دەستگی ر كرابون دوای نزیكەی 30 ساڵ ئێوارەی ئەمڕۆ ئازاد كران. 

عوسمان مستەفاپوور، خەڵكی پیرانشار كە ٢٨ ساڵ زیندان و محەمەد نەزەری، خەڵكی سایین قەڵا ٢٥ ساڵ زیندان، ئێوارەی ئەمڕۆ پێنج شەممە بەلێبوردنی گشتی عەلی خامنەیی ئازادكران.

هەرچەندە پێشتر سزای لەسێدارەدانیان بۆ برشاوەتەوە بەڵام دواتر سزاكەیان بۆ زیندانی هەتا هەتایی گۆڕاوە و ئەو دوو بەندكراوە مافی مۆڵەتی چوونەوە ماڵی خۆیان نەبووە تەنانەت رێگەیان پێنەدراوە بەشداری لە ڕێوڕەسمی پرسەی ئەندامانی بنەماڵەكانی خۆشیاندا بكەن.

رێكخراوی هەنگاو بۆ مافەكانی مرۆڤ، رایگەیاند: عوسمان مستەفاپوور تەمەن ٥٣ ساڵ خەڵكی پیرانشار، ساڵی ١٩٩١ دوای تێكهەڵچوونێكی چەكداریی لەنێوان پێشمەرگەكانی حزبی دیموكرات و سوپای پاسداران لە ناوچەی تەرگەوەڕی ورمێ، بەدیلی كەوتە دەستی پاسداران و حوكمی لەسێدارەدانی بۆ دەركرا.

ئەوەشی رونكردووەتەوە كە محەمەد نەزەری خەڵكی سایین قەڵا، ساڵی ۱۹۹٤ بە تۆمەتی ئەندامێتی لە حزبی دیموكراتی كوردستانی ئێران دەستگیركرا و سزای لەسێدارەدانی بۆ دەركرا. دواتر سزاكەی هەڵوەشێنرایەوە و كەم كرایەوە بۆ بەندكرنی هەتا هەتایی.

3202 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations