دۆخی عێراق بە كوێ دەگات..؟

18.11.2019

لڤین: شیکاری/ سەنگەر سەیدقادر
ئەوەی ڕوونە ئەمڕۆ سەدر شكستی هێنا لە كۆكردنەوەی خەڵكدا لە شەقامدا  هەرچەندە دوێنێ سەدر داوایكرد كە  مانگرتنی سەرتاسەری ڕابگەیەنرێت بەڵام شەقامی  عێراقی و بەشێك لە شەقامی سەدریش بەدەم داواكەی
موقتەدا سەدرەوە نەچوون .

ئەم شكستەی سەدر یەكەم شكست و تۆرانی جەماوەرە لەسەدر كەلەدوای ساڵی ٢٠١٠ شەقامی ناڕازی عێراقی گرتووەتە دەست و بەردەوام  وەك سیاسیەكی جیاواز و پیاو و پاڵەوانی چاكسازی ودژە گەندەڵی  خۆی نیشانی هاوڵاتیانی عێراق داوە.

هۆكاری ئەم شكستەی سەدر و بەتاڵبونەوەی سیحری پیاوی چاكسازی بۆ ئەوە ئەو هەڵە سیاسیەی سەدر دەگەڕێتەوە كە هەفتەی پێشوو ئەنجامیدا ئەویش كۆبونەوە بوو لەگەڵ قاسمی سولەیمانی دا و ڕێكەوتن  بوو لەسەر كۆتایهێنان بە خۆپیشاندانەكان و مانەوەی حكومەتەكەی عادل عبدالمەهدی.

كە ئەم هەنگاوەی سەدر شەقامی عێراقی توڕەكرد و سەدریەكانیشی بێهیوا كرد بەجۆرێك بەهان چاوی جارانە لە ڕابەرە ڕۆحیە كەیان ناڕوانن و بەشێك لە دەستە شاراوەكەی سەدر ئاشكرا بوو كە موقتەدا سەدر چیتر ئەو ڕابەرە زاهیدە خۆنەویستە نیە و بەڵكو ئەویش بەشێكە لەو دەستە سیاسیە گەندەڵەی ١٦ ساڵە حكومی عێراق دەكەن

لەدوای ئەو هەڵە گەورەی سەدر و سزای ئەمڕۆی شەقامی عێراقی بۆسەدر كارتی یاریكردن بەشەقام سوتاوەو لەسەر ئاستی نێودەوڵەتی و ناوچەیش سەدر وەك داردەستی  ئێران سەیر دەكرێت و ناتوانێت ڕۆڵی سێوی یەكلای كەرەوەی تەرازووی ململانێكانی ئەمەریكا و ئێران ببینێت

سیناریۆكانی بەردەم دۆخی ئێستای عێراق:
ئەوەی ڕوونە لە ئێستا دا خۆپیشاندانەكان لە ڕووی كرداریەوە لە ڕۆژی هەینی ڕابردووە كۆتای كاتووە چونكە پشتیوانی سیاسی نەماوە كە پێشتر سەدر ڕابەرایەتی دەكرد، بەڵام ئێستا پشتیوانی مەرجەعەتی(علی سیستانی) هەیە و سیستانیش بۆ جێبەجێكردنی داواكاریەكانی بە پێچەوانەی سەدرەوە پێویستی فە خۆپیشاندان نیە و  بڕیارەكانی جێبەجێدەكرێت

لە وتاری هەینی دا بۆ یەكەیمینجار سیستانی گوتاری لە ئامۆژگاری سیاسیەكانەوە گۆڕی بۆ فەرمانكرد و كۆتای بە مشتومڕەكان هێنا و ڕایگەیاند( كەچاكسازی بەم دەمووچاوانەی ئێستا ناكرێت و عێراق ناگەڕێتەوە دۆخی پێش خۆپیشاندانەكان).

لەدوای وتارەكەی سیستانیەوە گفتووگۆ نهێنی و شاراوەكان بۆ جێگرەوەی حكومەتی ئێستا دەستی پێكردوە،  ئەوەی چاوەڕێ دەكرێت ڕووبدات دوو ئەگەرە:

١- سیناریۆی یەكەم پێكهێنانی حكومەتێكی تەكنۆكراتی كاتیە كەلە ١٠ وەزیری پێكبهێنرێت لە دەرەوەی حیزبەكان كە عادل عبدالمەهدی سەرۆكایەتی بكات و ئامادەكاری بۆ هەڵبژاردنی پێشوەخت بكات، كەئەم. سیناریۆیە لاوازە و ئەگەری ڕودانی تەنها سەدا٢٥%

٢- سیناریۆی دووەم بریتیە لە سەندنەوەی متمانە لە عادل عبدالمەهدی و پێكهێنانی حكومەتێكی تەكنۆكراتی كاتی كە ئامادەكاری بكات بۆ هەڵبژاردنی پێشوەخت ، كە ئەم. ئەگەرەیان زۆر بەهێزترە چونكە شەقامی عێراقی و عەلی سیستانی بە سیناریۆی یەكەم. ڕازی نین و ئەگەری جارێكی تر سەرهەڵدانەوەی كێشەكان زیاتر دەكات

بۆیە لە هەموو ئەگەرەكاندا لەماوەیەكی كورتدا ڕێكارەكانی دروستكردنی دۆخ و قۆناغێكی نوێ لە عێراقدا دەست پێدەكات بەڵام بە هەمان كەرەستەی كۆن و چارەسەر كردنی یەكجاری كێشەكانی عێراق بەستراوە بە كەوتنی ڕژێمی تارانەوە كە دیار نیە كەی و چۆن ڕوودەدات.

1189 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations