سبەینێ دادگایی هاوسەرەكەی سێوان قادرە

16.11.2019

لڤین: 
سبەینێ لە دادگای تاوانەكانی سلێمانی، یەكەم دانیشتنی دادگای مێردەكەی سیوان قادر بەڕێوەدەچێت و لە ئێٍتادا تاكە تۆمەتبارە بەهۆی ئەو روداوەوە دەستگیر كرابێت. 

وا بڕیارە سبەینێ یەكەمین دانیشتنی دادگایی هاوسەری سێوان قادر لە دادگای تاوانەكانی سلێمانی بەرێوە بچێت كە تۆمەتبارە بە سوتاندین هاوسەر و منداڵەكانی. 

پرۆژەی ژن ژیانە مەیكوژە لەگەڵ بنەماڵەی سیوان قادر، داوایان لە رێكخراوەكانی ژنان و چالاكوانان و رۆژنامەنوسان دەكەن ئامادەی دانیشتنی دادگایەكە بن، داواكاریەكەشیان بەشێوەیەكە دەیانەوێت خەڵكی ئاگاداری دانیشتنەكەی دادگا بن و هەرچەندە لە ماوەی رابروشدا وێنەی كامێرای چاودێری دراوسێكانیان لەكاتی رووداوەكە بڵاو كرایەوە. 

پێشتریش تۆمەتباری دووەمی روداوەكە، كە ژنێكی دراوسێ ماڵی سیوان قادربوو بەهۆی نەبونی بەڵگە بۆ تاوانبار كردنی ئازادكرا، ئەوە لە كاتێكدایە كە بنەماڵەی ئەو قوربانیە هاوسەرەكەی وەك تاوانبار دەناسێنن. 

905 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations