بەھۆی چەند ھونەرمەندێکەوە کەسێک دەستگیر دەکرێت

07.11.2019

لڤین:

بەھۆی چەند ھونەرمەندێکەوە تۆمەتبارێک دەستگیر کرا کە لە تۆڕەکۆمەڵایەتیەکن ناوزڕاندنی پێ کردوون.

مەفرەزەكانی بنكەی پۆلیسی كوردسات تۆمەتبارێكیان دەستگیركرد كە لەڕێگەی تۆڕە كۆمەڵایەتییەكانەوە ناوزڕاندنی بەچەند هونەرمەندێك كردبوو .

پۆلیسی سلێمانی رایگەیاند: دوای ئەوەی چەند هونەرمەندێك سكاڵا لەسەر تۆمەتبارێکی نادیار تۆمار دەكەن كە لەڕێگەی تۆڕەكۆمەڵایەتییەکانەوە ناویان زڕێنراوە، مەفرەزەكانی بنكەی پۆلیسی كوردسات لێكۆڵینەوەكانی دەستپێكردوو دوای بەدواداچوونێكی وردو ئاشكراكردنی تۆمەتبار توانرا (م ، أ ، ج ) لەدایكبوی 1992 دانیشتوی شاری هەولێر لەشاری سلێمانی دەستگیربكرێت.

لەئێستادا تۆمەتبار بەفەرمانی بەڕێز دادوەرو بەپێی ماددەی 2ی خراپ بەكارهێنانی ئامێرەكانی پەیوەندیکردن ڕاگیراوەو لێكۆڵینەوە لەگەڵیدا بەردەوامە.

2911 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations