لەکاتی هەوڵدان بۆ دەستدرێژی سێکسی شۆفێری تەکسیەک دەستگیر دەکرێت

05.11.2019

لڤین:
ئاسایشی سلێمانی شۆفێرێكی تاكسی دەستگیركرد كە هەوڵیداوە دەستدرێژی بكاتە سەر دوو كچە خوێندكار، بەڵام پێش ئەوەی کارەکەی بکات یەکێک لە خوێندکارەکان خۆی فڕێدەداتە خوارەوە.

 لەراگەیەندراوێكدا بەرێوەبەرایەتی ئاسایشی سلێمانی ئاشکرای دەکات، لە ڕۆژی ( 3/11/2019 ) كەسێك بەناوی ( أ , م , غ ) لەدایك بوی ساڵی 1977 پیشەی شۆفێری تاكسی دەستگیرکراوە، بەتۆمەتی ئەوەی لەیەكێك لە گەڕەكەكانی ناوشاری سلێمانی هەوڵیداوە دەستدرێژیان بکاتە سەر.

ئاسایش رونی دەکاتەوە، دوو خوێندكاری كچ دەستیان لە ئۆتۆمبیلەكەی ڕاگرتوە  بۆئەوەی بیان گەیەنێـتەوە ماڵی خۆیان پاش سەركەوتنیان بۆ ناو ئۆتۆمبیلەكە لەڕێگە لایداوە بەبیانوی قەرەباڵغی ڕێگەی ماڵی كچەكان و ووتەی سێکسی لەگەڵدا بەكارهێناون و تحرشی پێ كردون.

ئاسایش ئەوەشی راگەیاند "كاتێك سەرنشینەكان هەستیان كردووە كەنیازی خراپە ئەیەوێـت بەرەو دەرەوەی شاری  سلێمانیان ببات، یەكێك لە كچەكان دەرگای ئۆتۆمبیلەكە دەكاتە وە وخۆی فڕێدەداتە خوارەوە و هاواردەكات، خەڵكی بە هانایانەوە دەڕۆن و پەیوەندی دەكەن".

پاش گەشتنی هێزەكانی ئاسایشی سلێمانی بۆ شوێنی ڕووداوەكە، شۆفێرەكە دەستگیردەكەن، ڕوو بەڕووی یاسای دەكەنەوە، ئاسایش داواش لە هاوڵاتیان دەکات "وشیاربن و بەوریایەوە لەم كارە قێزەونانە ئاگادار بن".

6459 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations