کەسێک بەناوی كاری هەواڵگرییەوە لەگەڵ ١١ ژن سێكسی ئەنجامداوە

04.11.2019

ژیان:

بەڕێوەبەرایەتی ئاسایشی سلێمانی دەستگیرکردنی تۆمەتبارێکی راگەیاند کە بەناوی كاری هەواڵگرییەوە ژنانی فریوداوە و بەوهۆیەوە لەگەڵ ١١ ژنی كورد و عەرەب كاری سێكسی ئەنجامداوە.

ئاسایشی سلێمانی رایگەیاند: بۆبەڕوبوونەوەی هەر جۆرە كارێكی هەڵخەڵەتاندن و فریودان، توانیمان لە ٢٠ی تشرینی یەکەم كەسێك کە لەدایكبووی ساڵی١٩٧٣یە دەستگیر بكەن.

ئەو كەسە تۆمەتبارە بەوەی پەیوەندی كردووە بە چەند ژنێکەوە وەك بەرپرسێكی كاری هەواڵگری خۆی پێناساندوون و بەڵێنی ئەوەی پێداون ئەگەر كاری لەگەڵدا بكەن، ئەوا هەریەكەیان بڕی ٢٠ هەزار دۆلاری ئەمریكی و خانوو و ئۆتۆمبێلیان پێبدات بۆ ئەنجامدانی ئەم دەست بڕین و هەڵخەڵەتاندنە.

ئاسایشی سلێمانی بەراگەیەندراوێک رونیدەکاتەوە تاوانبارەکە لە ڕێگەی ئەپڵیکەیشنی (مەسنجەر)ەوە پەیوەندیكردووە بە (٣٥ بۆ ٤٠) ژنی كورد و عەرەبەوە لەو ژمارەیە (١١) كەسیانی فریوداوە و كاری سێكسی لەگەڵدا كردوون و بڕوایان بە ساختەكارییەكانی كردووە، كەكاری لەگەڵدا بكەن.

11032 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations