ئێران هەر هێرشێك بە 10 هێرش وەڵام دەدەینەوە

03.11.2019

لڤین: 
سوپای پاسداری ئێران هەڕەشە دەكات و دەڵێت هەر هێرشێك بكرێتە سەرمان بە 10 هێرش وەڵامی دەدەینەوە و لە هەموو وڵاتانی ناوچەكەش سەربازمان هەیە. 

ئەبو فەزڵ شكارچی، وتەبێژی سوپای پاسدارانی ئێران، رایگەیاند، ئەگەر شەڕ لە دژی ئێران هەڵگیرسێت ئەوا وەڵامی ئەوان سنورێكی جوگرافیی بەرفراوان دەگرێتەوە. 

ناوبراو لە لێدوانێكیدا بۆ میدیاكانی سەر بە سوپا وتیشی: ئێران دەسپێشخەریی شەڕ ناكات، بەڵام لەكاتی هێرشكردنە سەر ئەو وڵاتە، بەجۆرێك وەڵام دەدەنەوە كە دوژمنانی ئێران پەشیمان ببنەوە لە كردەوەكانیان، چونكە هەر هێرشێك بە ١٠ هێرش وەڵام دەدەینەوە.

ئەو لە قسەكانیدا وتیشی: ئێران بەهێزە و توانا سەربازییەكانیان تەنها لەناو خاكی ئەو وڵاتەدا سنوردار نەكراوە، بەڵكو لە زۆربەی ناوچەكانی خۆرهەڵاتی ناوەڕاست ئێران خاوەنی هێزی سەربازی و مرۆییە و، لەكاتی هەڵگیرساندنی شەڕدا سەرجەم تواناكانیان بەكاردەهێنن.

1818 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations