وتەبێژی یەکێتی: پارتی خۆی دەسەپێنێت

02.11.2019

لڤین:

 وتەبێژی یەکێتی وەڵامی پارتی دایەوە و ڕایگەیاند، یەکڕیزی نیشتمانی و پێکەوەکارکردن بە خۆسەپاندن دروست نابێت، دانانی یاریده‌ده‌ره‌كان بۆ سەرۆکی حکومەت بارگرانییه‌كی زۆریان له‌سه‌ر حكومه‌ت دروستكردووه‌.

لەتیف شێخ عومەر، وتەبێژی یەکێتی نیشتیمانی کوردستان، لە کۆنفرانسێکی ڕۆژنامەنووسیدا سەبارەت بە دانانی یاریدەدەرەکان لەلایەن مەسرور بارزانی سەرۆکی حکومەتی هەرێمی کوردستانەوە ڕایگەیاند، له‌ په‌یڕه‌وی ناوخۆی ئه‌نجومه‌نی وه‌زیراندا به‌هیچ شێوه‌یه‌ك باسی یاریده‌ده‌ر نه‌كراوه‌، بۆیە دانانی یاریده‌ده‌ره‌كان بارگرانییه‌كی زۆریان له‌سه‌ر حكومه‌ت دروستكردووه‌. یەکڕیزی نیشتمانی و هاوپەیمانی و پێکەوە کارکردن، بە یەکتر قبوڵکردن و شەراکەتی ڕاستەقینە دروستدەبێت نەک بە خۆسەپاندن.

ناوبراو لەو کۆنگرە رۆژنامەوانیایدا کە دوای کۆبونەوەی مەکتەبی سیایسی حزبەکەی هات ڕاشیگەیاند، له‌گه‌ڵ ئه‌وەین هه‌موو كێشه‌كان به‌ گفتوگۆو لێكتێگه‌یشتن چاره‌سه‌ربكرێن. ئێمە هاوبەشیی راستەقینەیان دەوێت و ویستوومانە لەسەر ئەو بنەمایە کاربکەن، بەڵام ناوی یەک بەربژێریان لەسەرەتای دروستکردنی کابینەی نۆیەم پێشکەشکردووە و پارتی قبووڵی نییە.

1068 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations