ناسنامەی ئەو كەسەی سوكایەتی بە كچە بریندارە شەرڤانە كرد ئاشكرا دەبێت

26.10.2019

لڤین: 
ئەو كەسەی سڵفی لەگەڵ ئەو كچە شەرڤانە بریندارە گرت كە بە دیلی دەستگیریان كردبوو بەرپرسێكی ئیخوان موسلیمینە و ناسنامەكەی ئاشكرا بوو. 

دوای ئەوەی وێنێ گرتەیەكی ڤیدیۆیی كچە شەرڤانێك بڵاو كرایەوە كە دوای بریندار كردنی بە دیلی لەلایەن گروپەكانی سەر بە توركیاوە دەستگیر دەكرێت ئەمڕۆ میدیاكان ناسنامەی ئەو چەكدارانەیان ئاشكرا كرد. 

میدیاكان باس لەوە دەكەن كە ئەو كەسەی لە وێنەكەدا سێڵفی دەگرێت لەگەڵ كچە شەرڤانە بریندارەكە ناوی یاسر عەبدولڕەحیم-ە و فەرماندەی پێشووی فەیلەقی شامی سەر بە ئیخوان موسلیمینی سوریا و دامەزرێنەری فەیلەقی مەجدی ئێٍستای نزیك لە توركیایە.

میدیاكان ئەوەیان ئاشكرا كردووە كە ئەو چەكدارەی سەر بە ئیخوان پێشتریش بەشداری بەشداری هێرشەكانی (قەڵغانی فوڕات)و (چڵە زەیتون)ی كردووە.

6389 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations