داوا دەكرێت دەروازەی سێمێڵكا لەژێر دەستی پارتی دەربهێندرێت

21.10.2019

لڤین: 
داوا دەكرێت پەرلەمان دەروازەی سنوری سێمێڵكا بكاتەوە  كە ئێٍتا لە ژێر دەستی پارتیدایە و ئەگەر كاری جدیش نەكات بۆ دەرهێنانی ئەو دەروازەیە ئەوا بەرەی پشتیوانی لە رۆژئاوا دەڵێت بە كۆكردنەوەی خەڵكی بەرە و دەروازەكە دەچن. 

بەرەی پشتیوانی لە ڕۆژئاوا، هەڵمەتی كردنەوەی تاكە دەروازەی سنوری نێوان (هەرێمی كوردستان و ڕۆژئاوا)ی كوردستانی ڕاگەیاند و بۆ ئەم مەبەستەش داوا لەپەرلەمانی كوردستان دەكات "بەیاسا حكومەت ناچار بكات دەروازەكە بكاتەوە و چیتر تاكە حزبێك فەرمانڕەوا نەبێت بەسەر ئەو دەروازە سنوریەدا".

ئەو بەرەیە "پێی وایە دەبێت سنوری سێمێلكا بەردەوام كراوەبێت بەڕووی هاتوچۆی خەڵكدا و دەبێت لەژێر بڕیارەكانی حكومەت بێت، نەك تاكە حزبێك، بەتایبەت لەم كاتەدا كە هێرشی داگیركاری توركیا لەسەر ڕۆژئاوای كوردستان هەیە".

بەرەكە كە لە ماوەی رابردوودا چەند خۆپیشاندانێكی بۆ پشتیوانی لە رۆژئاوا ئەنجامدا دەشڵێت "گەلەكەشمان لە ڕۆژئاوا پێویستی بە هاوكاری مرۆیی و تیمی تەندروستی هەیە و بەپێچەوانەشەوە هێنانی بریندارەكان بۆ نەخۆشخانەكانی هەرێمی كوردستان".

ئەوبەرەیە ئلە راگەیەندراوێكدا كە كۆپەیەكی بۆ (لڤین پرێس) ناردووە دەشڵێت "سەرەتا داواكاریەكان ئاڕاستەی پەرلەمانی كوردستان دەكات، لەئەگەری كارنەكردن بە داواكریەكان، یاخود وەڵام نەدانەوە، ئەوا بەرەی پشتیوانی ڕۆژئاوای كوردستان كاردەكات بۆ كۆكردنەوەی خەڵك و بەڕێكەوتنیان بۆ سنوری سێمێلكا و تا كردنەوەی سنورەكە".

8199 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations