عەلی قەرەداغی هەڵوێستی خۆی لە سەر هێرشەكانی توركیا راگەیاند

15.10.2019

لڤین: 
سەرۆكی زانایانی ئاینی جیهان هەڵوێستی خۆی لەبارەی هێرشی توركیا بۆسەر رۆژئاوای كوردستان بە ناڕونی دەر بڕی و ئاشكرای نەكردووە پشتیوانی توركیا دەكات یان دژی وەستاوەتەوە.

عەلی قەرەداغی، سەرۆكی زانایانی ئاینی جیهانی لە بارەی هێرشەكانی توركیا بۆسەر رۆژئاوای كوردستان پەیامێكی ناڕونی بڵاو كردەوە و دەڵێت "زانای ئاینیی خواناس بە زانست و بە كردەوە، بۆی نیەو ناتوانێت ستەم پەسەند بكات ئیتر لە هەر لایەنێكەوە بێت، چونكە ستەمكردن بە حەتمی تاریكایی و شەوەزەنگە، لەناوچوون و فەوتانە، سوتێنگەو سوتێنەرە، خوای باڵادەست لەناوچوونی گەلانی وابەستەكردووە بە ستەمكردن و ملهوڕییەوە".

ناوبراو لەپەیامەكەیدا  كە ئاشكرای نەكردووە كە لەگەڵ هێرشی توركیایە یان دژیەتی ئایەتیكیشی هێناوەتەوە واتاكەی داناوە دەڵێت "پەروەردگار دەفەرموێ‌: ﴿ هَلْ یُهْڵكُ إِلَّا الْقَوْمُ الڤَّالِمُونَ﴾ واتە: بە حەتمی كە خەڵكانی ستەمكار لەناودەچن، پێغەمبەری (د.خ) دەفەرموێ‌: (( خۆتان بپارێزن لە نزاو دۆعای ستەملێكراو با كەسێكی بێباوەڕیش بێت چونكە هیچ بەربەستێك نیە لە نێوان ئەو و پەروەردگاریدا)). لە ریوایەتێكیشدا بە لەفزی تر هاتووە كە: ((با ئەو ستەملێكراوەش كەسێكی خراپەكار بێت چونكە خراپەكارییەكەی بۆ خۆی دەگەڕێتەوەو خۆی بەرپرسە لێی))".

پێشتر قەرەداغی لە چەندین قۆناغی جیاوازدا داژەیەتی ئیدارەی خۆبەڕێوبەەری رۆژئاوای كوردستانی كردووە و پشتیوانی توركیا كردووە لە دژی گەلی كورد لە كاتێكدا خۆشی بە رەگەز كوردە. 

14701 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations