دابان محەمەد; پێویستە کۆبونەوەی نائاسایی پەرلەمان ئەنجام بدرێت

09.10.2019

لڤین:

ئەندامێکی پەرلەمانی کوردستان لە فراکسیۆنی گۆڕان ڕایگەیاندوە، گەلی کورد و پێکهاتەکانی ڕۆژئاوای کوردستان، بەهۆی لەشکرکێشی و هێرشی داگیرکارانەی تورکیاوە لە ژێر هەڕەشەدان.

دابان محەمەد، ئەندامی پەرلەمانی کوردستان لە فراکسیۆنی گۆڕان لە پەڕەی تایبەتی خۆی لە تۆڕی کۆمەڵایەتی فەیس بووک ڕایگەیاندوە" پێویستە کۆبونەوەی نائاسایی پەرلەمان ئەنجام بدرێت، گەلی کورد و پێکهاتەکانی ڕۆژئاوای کوردستان، بەهۆی لەشکرکێشی و هێرشی داگیرکارانەی تورکیاوە لە ژێر هەڕەشەدان".

لە بەشێکی تری نوسراوەکەی ئەندامەکەی پەرلەمانی کوردستان هاتووە" لەگەڵ هاوڕیکانم لە فراکسیۆنی گۆڕان لە پەرلەمانی کورستان، هەموو هەوڵی خۆمان دەدەین بۆ پشتیوانی لە ڕۆژئاوای کوردستان و داوای دانیشتنی بەپەلەی پەرلەمان دەکەین بۆ دەربڕینی هەڵوێستی روون".

هەروەها نوسیویەتی" ئەزمونی ڕۆژئاوای کوردستان، بەرهەمی خەباتی هەزاران شەهید و شەرڤانە کە ئەفسانەی داعشیان تێکشکاند، گەلەکەمان لە رۆژئاوا لەو پێناوەدا ١١ هەزار شەهید و هەزاران بریندارانی هەیە".

رایگەیاندوە" هێرشی دوژمنکارانەی تورکیا، ئامانجەکەی لەناوبردنی ئەزمونی ڕۆژئاوا و گۆڕینی دیموگرافیاکەیەتی".

لە کۆتایدا ئاماژەی بەوە داوە" لەگەڵ بەرخودانی ڕۆژئاوا، ئەرکی هەمومانە، کوردانی تاراوگە، باکوری کوردستان و باشور بەو شێوەی پێویستە و دەکرێ پشتیوانی ڕۆژئاوا بکەین".


229 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations